Matur | mbl | 4.11.2022 | 12:04

Pastarétturinn sem þú riggar upp á tíu mínútum

Pastaréttur sem tekur örstutta stund í framreiðslu. mbl.is/Jamie Oliver

Hinn fullkomni hversdagsmatur er hér á borðum - þá er við höfum sáralítinn tíma og nennum hreinlega ekki að fara út í flókna eldamennsku. Pastaréttur sem þú riggar upp á tíu mínútum og inniheldur einungis fimm hráefni.

Pastarétturinn sem þú riggar upp á tíu mínútum

250 g pasta
3 msk. ólífuolía
2 hvítlauksgeirar
150 g krukka af grænum ólífum
8 msk. passata

Aðferð:

Eldið pastað samkvæmt leiðbeiningum á pakka.
Skerið hvítlaukinn smátt og steikið í nokkrar mínútur í olíunni þar til hann mýkist.
Saxið ólífurnar og geymið saltvatnið. Bætið ólífunum á pönnuna, kryddið og látið malla í 2 mínútur.
Hrærið passata og saltvatninu saman við og eldið áfram í 5 mínútur. Bætið því næst pastanu saman við sósuna og berið fram strax.

Uppskrift: Jamie Oliver