Það hefur tíðkast að setja negul í appelsínur frá 19. öld – og þykir ein vinsælasta jólahefð víðsvegar um heiminn. Vinsældirnar hafa sannarlega ekki dvínað með árunum, enda afskaplega látlaust en fallegt jólaskraut sem ilmar og færir jólaangann í hús.

En það eru ýmsar aðrar leiðir til að skreyta heimilið með appelsínum – þá með því að skera þær í sneiðar og þurrka í ofni. Hér er hin fullkomna samverustund fyrir fjölskylduna á aðventunni. Og uppskriftina fáið þið hér! 

Svona þurrkar þú appelsínur

• Hitið ofninn í 100 gráður. 
• Skerið appelsínur í 1 sm þykkar sneiðar.
• Leggið skífurnar á bökunarpappír á bökunarplötu.
• Bakið í ofni í 1 tíma. 
• Látið kólna á rist. 
• Notið skífurnar sem jólaskraut með greni, kanilstöngum eða jólakúlum.