Matur | mbl | 10.12.2022 | 19:45

Húrrandi huggulegur jóla-martíní

Piparmyntu kokteill sem fullkomnar aðventuna. mbl.is/Delish

Hér er fullorðinsdrykkur á boðstólum - og það í sannkölluðum jólabúningi með piparmyntubragði. Það er þó ekki hægt að bera saman venjulegan martini og þennan drykk hér - fyrir utan að þeir innihalda báðir vodka og eru bornir fram í martini-glösum.

Jólalegur piparmyntu-martini (3 glös)

1/2 bolli súkkulaði, bráðið
1/4 bolli muldir brjóstsykursstafir (e. candy cane)
180 ml hvítur súkkulaðilíkjör
118 ml vodka
60 ml piparmyntusnaps
2 msk. rjómi
Ísmolar
3 litlir brjóstsykursstafir

Aðferð:

Hellið bræddu súkkulaði á grunnan disk. Setjið brjóstsykursmulninginn á annan disk. Dýfið glasbrúnunum í súkkulaðið og því næst í sælgætismulninginn. Hellið afganginum af súkkulaðinu í botninn á glösunum og veltið þeim rólega í hringi til að hjúpa botninn og neðri helming glasanna. Setjið glösin í kæli á meðan drykkurinn er undirbúinn.
Blandið saman súkkulaðilíkjörnum, vodkanu, piparmyntu og rjómanum í kokteilhristara. Fyllið upp með ísmolum og hristið. Skiptið drykknum í þrjú glös og skreytið með jólastaf áður en drykkurinn er borinn fram.

Uppskrift: Delish