Matur | mbl | 31.1.2023 | 10:43

Nei, hættu nú alveg Berglind!

Ljósmynd/Berglind Hreiðarsdóttir

Það er svo gott að geta gripið í sætindi í hollari kantinum þegar sætindaþörfin kallar. Hér eru á ferðinni guðdómlega mjúkar döðlur fylltar með hnetusmjöri og stökkri möndlu. Uppskriftin er mögulega ein sú besta sem við höfum smakkað og við hvetjum ykkur svo sannarlega til að prófa!

Það er meistari Berglind Hreiðars á Gotteri.is sem á heiðurinn að uppskriftinni.

Hollar nammidöðlur

30 bitar

30 stk. ferskar döðlur
Um 180 g gróft hnetusmjör
30 stk. Til hamingju möndlur í hýði
80 g dökkt súkkulaði
Saxaðar Til hamingju pistasíuhnetur
Saxaðar Til hamingju möndlur í hýði
Til hamingju gróft kókosmjöl

Aðferð:

Byrjið á því að skera rauf í döðlurnar og fjarlægja steininn.
Hrærið hnetusmjörið upp og skiptið á milli daðlanna. Gott er að nota sprautupoka en klippa ágætlega stórt gat á endann.
Stingið næst einni möndlu ofan í hnetusmjörið á hverri döðlu, allt í lagi þó það sjáist í möndluna, bara að hún festist.
Stingið í frysti á meðan annað er undirbúið.
Saxið niður pistasíuhnetur og möndlur og bræðið dökka súkkulaðið.
Takið döðlurnar úr frystinum, rennið súkkulaði yfir þær og stráið næst söxuðum hnetum, möndlum og kókosmjöli yfir þær til skiptis.
Geymið í kæli eða frysti og njótið þegar sætindaþörfin kallar.