Matur | mbl | 5.2.2023 | 5:09

Sparigrautur fyrir helgina

Ljósmynd/Berglind Hreiðarsdóttir

„Ég er ekki mikið fyrir heitan hafragraut þó ég þræli honum alveg í mig annað slagið en það er allt aðra sögu að segja af köldum slíkum! Ég elska nefnilega kalda hafragrauta með góðum toppi! Þessi hérna er algjör negla og kaffikeimurinn í honum skemmtileg tilbreyting,“ segir Berglind Hreiðars á Gotteri.is um þenna snilldargraut sem við getum ekki beðið eftir að prófa.

Sparigrautur fyrir helgina

Kaffigrautur

Uppskrift dugar í 1 glas/krús svo margfaldið að vild

Kaldur hafragrautur uppskrift

40 g tröllahafrar
2 tsk. chiafræ
100 ml mjólk að eigin vali
20 ml kaffi (styrkleiki eftir smekk)
2 msk. hrein jógúrt
1 tsk. hunang

Hrærið öllu saman í glasi/krús, plastið og geymið í ísskáp í að minnsta kosti 4 klukkustundir. Hrærið upp í grautnum og setjið lúxus topp ofan á (sjá að neðan).

Toppur

Um ¼ banani (í bitum)
1 tsk. gróft hnetusmjör (þykkt)
Ristaðar kókosflögur
1 tsk. saxað suðusúkkulaði
Smá kakóduft
Þunnt hnetusmjör yfir allt í lokin (gott að nota í flösku sem hægt er að sprauta úr)