Pítsa með dásamlegum burrata osti
Ljósmynd/Berglind Hreiðarsdóttir
Setja bókamerki
/frimg/1/55/52/1555285.jpg)
„Burrata ostur er einn af þessum sem lætur mann kikna í hnjánum. Það er svo gott að nota hann í ýmsa matargerð og á pizzur er hann guðdómlegur,“ segir meistari Berglind Hreiðars á Gotteri.is um þessa snilldarpítsu en við tökum heilshugar undir orð hennar um burrata ostinn!
„Ég smakkaði fyrst Burrata ost í Friðheimum fyrir nokkrum árum og eftir það var ekki aftur snúið. Það hefur hins vegar reynst þrautinni þyngra að nálgast þessa dásemd en nú hefur Mjólkursamsalan hafið sölu á þessum osti í lausasölu og ég mæli með að þið laumið ykkur alltaf í eina, ef ekki fleiri dósir þegar hann er til í verslunum!
Pizza með íslenskum burrata
- pizzadeig að eigin vali
- pizzasósa að eigin vali
- oreganó krydd
- rifinn pizzaostur frá Gott í matinn
- grænt basil pestó, nokkrar teskeiðar
- rautt chili pestó, nokkrar teskeiðar
- klettasalat, ein lúka
- 100 g piccolo- eða kirsuberjatómatar
- 1 kúla íslenskur burrata ostur
- balsamik gljái
- fersk basilíka, söxuð
Aðferð:
- Setjið smá grænt og rautt pestó hér og þar um pizzuna, næst klettasalat á hana miðja og dreifið úr tómötunum.
- Komið þá Burrata kúlunni fyrir á miðjunni og setjið ólífuolíu og balsamikgljáa yfir allt og loks smá basiliku.
- Berið pizzuna fram, skerið í kúluna og dreifið rjómafyllingunni yfir hverja sneið.
/frimg/1/56/31/1563181.jpg)
Veit ekki til þess að fleiri konur hafi stigið fram
Buðust til að kaupa íbúðir
„Efast um að það gjósi í sumar“
Isavia neitar að tjá sig um bænahald í kaffiaðstöðu
Íslendingar þurfi að passa sig á því sem þeir segja
„Gefa fólki kost á að ræða við okkur“
Riftir samningi við þrjú stór sveitarfélög
