Hann er goðsagnakenndur rappari, víframleiðandi og besti vinur Mörthu Stewart - og nú sendir Snoop Dogg frá sér kaffi.

Snoop hefur tekið höndum saman við kaffiframleiðanda í Indónesíu og sendir frá sér nýtt vörumerki undir nafninu INDOxyz. Ólíkt öðrum kaffi vörumerkjum, þá er þetta beint frá Indónesíu og ræktað af bændum á eyjunum Sumatra, Java, Bali og Sulawesi.

Snoop segir í fréttatilkynningu að kaffi hafi fylgt honum lengi vel í hljóðupptökuverum, þar sem kaffibollarnir voru ákveðið eldsneyti til að halda áfram. Pakkningarnar vekja einnig athygli og ef það er einhver sem á eftir að ná að selja kaffið, þá er það Snoop Dogg.

Það sem vekur hins vegar athygli er að nafnið er það sama og á íslenska bankanum Indó og leikur okkur forvitni á að vita hvort báðir aðilar muni mögulega leiða saman hesta sína í markaðssetningu enda þekktir fyrir að fara óhefðbundnar leiðir. Það yrði að minnsta kosti skemmtilegasta samstarf ársins.

Snoop Dogg hér með nýtt kaffi er kallst INDOxyz. mbl.is/INDOxyz

mbl.is/INDOxyz

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt