Nýjasta pítsuæðið á Íslandi
Setja bókamerki
/frimg/1/55/52/1555285.jpg)
Hér gefur að líta pítsu úr smiðju Berglindar Heiðars á Gotteri.is en þar notar hún burrata-ost sem þykir eitt það allra besta sem hægt er að setja á pítsu og skilgreinist nú sem nýjasta æðið.
„Burrata-ostur er einn af þessum sem lætur mann kikna í hnjánum. Það er svo gott að nota hann í ýmsa matargerð og á pítsur er hann guðdómlegur. Ég smakkaði fyrst burrata-ost í Friðheimum fyrir nokkrum árum og eftir það varð ekki aftur snúið. Það hefur hins vegar reynst þrautin þyngri að nálgast þessa dásemd en nú hefur Mjólkursamsalan hafið sölu á þessum osti í lausasölu og ég mæli með að þið laumið ykkur alltaf í eina ef ekki fleiri dósir þegar hann er til í verslunum!“
Nýjasta pítsuæðið á Íslandi
Burrata-pítsa
Uppskrift fyrir eina pítsu (fyrir 1-2 manns)
- Pítsudeig að eigin vali
- pítsusósa að eigin vali
- óreganó
- pítsuostur frá Gott í matinn
- grænt basilpestó (nokkrar teskeiðar)
- rautt chilipestó (nokkrar teskeiðar)
- klettasalat (1 lúka)
- 100 g piccolo-tómatar (skornir niður)
- 1 burrata-kúla frá Gott í matinn
- góð ólífuolía
- balsamgljái
- fersk basilíka (söxuð)
Aðferð:
- Hitið ofninn í 220°C og fletjið deigið út þar til það verður um 30 cm í þvermál.
- Komið deiginu fyrir á bökunarplötu, smyrjið pítsusósu yfir allt og setjið pítsuost og óreganó eftir smekk, brjótið næst aðeins upp á kantana.
- Bakið í um 15 mínútur eða þar til kantarnir gyllast vel og takið þá úr ofninum.
- Setjið smá grænt og rautt pestó hér og þar um pítsuna, næst klettasalat á hana miðja og dreifið úr tómötunum.
- Komið þá burrata-kúlunni fyrir á miðjunni og setjið ólífuolíu og balsamgljáa yfir allt og loks smá basiliku.
Skemmtiferðarskipi snúið við vegna vinds
Biðu eftir útköllum í Ólafsfirði
„Öruggt að þau eru metin á mismunandi vegu“
Launin fylgi almennum launahækkunum
„Nógu há eru launin“
„Ég er ótrúlega þakklátur“: Næstu skref snúin
Norska verðið í uppnámi