Matur | mbl | 17.5.2023 | 21:00 | Uppfært 23:35

Ljúffengt enchiladas að hætti Guðrúnar Veigu

Guðrún Veiga Guðmundsdóttir deildi ljúffengri uppskrift með fylgjendum sínum á dögunum. Samsett mynd

Áhrifavaldurinn góðkunni, Guðrún Veiga Guðmundsdóttir, töfraði á dögunum fram ljúffengar enchiladas og deildi uppskriftinni með fylgjendum sínum á Instagram.

Rétturinn er í senn einfaldur og bragðgóður, en það besta er þó hve auðvelt það er að leika sér með mismunandi hráefni.

Enchiladas að hætti Guðrúnar Veigu

Hráefni:

1 pakki af nautahakki
1 dós af nýrnabaunum
1 bréf taco-krydd
Góð skvetta af Siracha-sósu
2-3 msk salsasósa
Blaðlaukur
Tortilla-pönnukökur
Rifinn ostur
Ostasósa
Sýrður rjómi
Guacamole (tilbúið eða heimagert)
Nachos-flögur

Aðferð:

Byrjaðu á því að hita ofninn á 180°C.
Hitaðu pönnu á miðlungsháum hita. Settu hakk út á pönnuna og steiktu ásamt taco-kryddi, góðri skvettu af Siracha-sósu, 2-3 msk salsasósu, nýrnabaunum og blaðlauk.
Taktu tortilla-pönnukökur og smyrðu þær með ostasósu áður en hakkblöndunni er bætt inn í pönnukökuna og rifnum osti stráð yfir.
Rúllaði pönnukökurnar upp og raðaðu þeim í eldfast mót.
Bættu rifnum osti yfir pönnukökurnar og settu eldfasta mótið inn í ofn þar til osturinn ofan á pönnukökunum hefur bráðnað.
Berðu fram ljúffengar enchiladas með nachos-flögum, salsasósu, sýrðum rjóma og guacamole.