Það sem stórstjörnurnar elska að borða
Setja bókamerki
Fræga og ríka fólkið í Hollywood þarf að næra sig eins og við hin. Sú hugmynd sem mörg okkar hafa að það fólk lifi einungis á kampavíni og kavíar er fjarri lagi. Stórstjörnurnar eru í grunninn venjulegt fólk sem elskar að borða hefðbundinn og einfaldan mat. Hér fáum við innsýn inn í eftirlætis fæðutegundir stjarnanna.
Simon Cowell
Kjúklinga- og kalkúnakjöt er eitthvað sem hæfileikadómarinn Simon Cowell borðar reglulega.
Harry Styles
Mexíkóskur matur er söngvaranum Harry Styles að skapi.
Mila Kunis
Leikkonan Mila Kunis byrjar alla morgna á kaffibolla en þegar hún hefur komið börnum sínum í skólann elskar hún að fá sér ristað brauð með avókadó í morgunmat.
Scarlett Johansson
Buffaló kjúklingavængir eru ómissandi í lífi leikkonunnar Scarlett Johansson. Hún setur það ekki fyrir sig hversu subbulegt það getur verið að borða slíkan mat.
Jennifer Aniston
Leikkonan Jennifer Aniston nýtur þess að gæða sér á nachos-flögum við öll tilefni.
Selena Gomez
Söng- og leikkonan Selena Gomez er ein þeirra sem kann að meta súru gúrkurnar sem iðulega eru settar á hamborgara þar ytra. Hún segist elska súrar gúrkur.
Katy Perry
Sveppir eru óumdeildir í lífi söngkonunnar og hæfileikadómarans Katy Perry. Hún myndi setja sveppi á allan mat ef hún gæti.
Jennifer Garner
Leikkonan Jennifer Garner er mikill pítsuunnandi. Pítsusneið að hennar skapi inniheldur mikið af klettasalati og sneiðarnar brýtur hún saman til helminga og borðar eins og samloku.
John Legend
Djúpsteiktur kjúklingur kitlar bragðlaukana hjá tónlistarmanninum John Legend.
Justin Bieber
Söngvarinn Justin Bieber kann vel að meta pasta.
Gigi Hadid
Hinn klassíski hamborgari er eitt af því sem fyrirsætan Gigi Hadid elskar að setja ofan í sig.
Kylie Jenner
Raunveruleikastjarnan Kylie Jenner er dugleg að borða hollt og líkar henni sérstaklega vel við að borða sætar kartöflur.
Catherine Zeta Jones
Leikkonan Catherine Zeta Jones segist alltaf laðast að salati og hefur hún tileinkað sér að borða mikið af grænmeti og ávöxtum. Hennar uppáhald er því ávaxtasalat.
Sjá mikinn viðsnúning og ætla ekki að skerða þjónustu
Trump búinn að greiða atkvæði
Varnarmálaráðherra Ísraels rekinn
Beint: Bandaríkjamenn ganga að kjörborðinu
Nágranninn fannst látinn við nærliggjandi skóla
„Allir tilbúnir að hjálpa“
Gera ráð fyrir 1,7 milljarða króna rekstrarafgangi