Matur | mbl | 14.10.2023 | 12:30

Mæðgin gerðu saman ketó klatta

Helga Gabríela bakaði ljúffenga ketó klatta með syninum á dögunum og áttu mæðginin góða stund saman. Samsett mynd

Þessir ketó klattar eru hreint sælgæti að njóta og auk þess fullir af orku og næringu. Í uppskriftinni eru engir hafrar og ekkert hveiti, einungis hnetur og fræ í grunninn. Heiðurinn af uppskriftinni á Helga Gabríela Sigurðardóttir matreiðslumaður og þessa uppskrift gerði hún með syni sínum á dögunum. Mæðginin nutu stundarinnar í botn eins og sjá má á Instagraminu hennar Helgu Gabríelu.

Ketó klattar Helgu Gabríelu

250 g lífrænar hnetur
30 g graskersfræ
30 g hampfræ
30 g kókosflögur
2 msk. möndlusmjör
2 msk. hunang/kókossykur
1 egg
1 tsk. vanilla
1/3 bolli þurrkuð trönuber eða dökkt súkkulaði

Aðferð:

Byrjið á því að mylja hneturnar gróft niður í matvinnsluvél.
Bætið við fræjum og kókosflögum saman við og blandað vel saman.
Setjið síðan restin af hráefnunum saman við og hrærið vel saman við.
Pressið síðan niður í form með smjörpappír undir.
Bakið við 180°C í um það bil 15 mínútur.
Látið kólna og skerið niður í bita.
Mjög gott að mylja líka klattana út á grísku jógúrtina og drissla með smá hráu hunangi.
Best geymdir í lokuðu íláti inni í kæli.