Matur | mbl | 4.11.2023 | 6:00 | Uppfært 8:56

Forsetaskúffukakan sló í gegn í Húsó

Forseti Íslands Guðni Th, Jóhannesson sker fyrstu sneiðina á Forsetaskúffukökuni sem var tileinkuð honum í Hússtjórnarskólanum. Samsett mynd

Fastur liður á matarvefnum á laugardagsmorgnum eru Húsó-uppskriftirnar sem koma úr hinu fræga eldhúsi í Hússtjórnarskólanum við Sólvallagötu. Að þessu sinni flettir skólameistarinn Marta María Arnarsdóttir hulunni af forsetaskúffukökunni sem þykir sú besta.

„Það er mjög gaman að segja frá því að við bjuggum þessa skúffukökuuppskrift sérstaklega til fyrir forsetann okkar, þegar hann mætti til okkar í 80 ára afmæli okkar í fyrra,“ segir Marta María. Þessi lengja var einfaldlega gerð þannig að margar skúffukökur voru settar saman og sama smjörkrem í áletruninni, bara án kakósins. Forseti Íslands, Guðni Th. Jóhannesson var alsæll með skúffukökuna og bað örugglega um uppskriftina fyrir Bessastaði.

Mörgum finnst gott að skreytta skúffukökurnar með kókos. mbl.is/Árni Sæberg

Forsetaskúffukakan sló í gegn í Húsó

Forsetaskúffukakan

3 ½ bolli hveiti
3 bollar sykur
2 ½ tsk. lyftiduft
1 tsk. matarsódi
2 tsk. salt
80 g kakó
2 bollar mjólk
4 egg
2 tsk. vanilludropar
220 g brætt smjör

Aðferð:

Þurrefni sigtuð í skál.
Egg, mjólk og vanilludropum blandað saman í aðra skál og hrært saman við þurrefnin.
Smjör brætt við vægan hita og sett út í í lokin.
Hellt í stóra ofnskúffu með bökunarpappír og bakað við 180°C á blæstri í 30 mínútur.

Smjörkrem