Matur | mbl | 3.1.2024 | 6:00

Dýrðlegt ananas carpaccio með nýárskeim

Dýrðlegt ananas carpaccio að hætti Jönu. Ljósmynd/Jana

Á nýju ári er svo ljúffengt að njóta frískandi rétta sem koma bragðlaukunum á flug. Kristjana Steingrímsdóttir heilsumarkþjálfi, ávallt kölluð Jana, gerði þennan dýrðlega og nýstárlega forrétt á dögunum sem hitti svo sannarlega í mark. Hér er á ferðinni ananas carpaccio með basil, granateplafræjum, anís, chiliflögum og sítrónuolíu. Vel er hægt að mæla með þessum ljúffenga forrétt og upplagt að bjóða upp á þennan þegar jólin verða kvödd. Hægt er að fylgjast með Jönu í eldhúsinu á Instgram síðunni hennar hér.

Nýstárlegt og skemmtilegt. Ljósmynd/Jana

Dýrðlegt ananas carpaccio með nýárskeim

Ananas carpaccio að hætti Jönu

1 ferskur ananas
½ límónusafi og rifinn börkur
½ box af fersku basil, saxað gróft
3-4 msk. granateplafræ (má líka nota bláber eða vínber)
3 msk. pistasíur, gróft saxaðar
1/6 ferskur chili skorinn í þunnar sneiðar eða smá af þurrkuðum chiliflögur
2-3 msk. sítrónuolía
2-3 anís stjörnur
Örlítið gróft sjávarsalti

Aðferð:

Skerið ysta lagið af ananasinum og skerið svo í þunnar sneiðar.
Raðið ananas sneiðunum á stóran disk.
Skreytið svo með restinni með hráefninu með því í að dreifa því fallega yfir ananas-sneiðarnar.
Berið fram og njótið.