Stál, keramik og viður í forgrunni

Stella Birg­is­dótt­ir inn­an­húss­hönnuður og ann­ar eig­andi Bét­on Studio ásamt Hildi Árna­dótt­ur arki­tekt hannaði þetta glæsi­lega eld­hús fyr­ir hjón­in Hrafn­hildi og Bjarka sem búa við Litlakrika í Mos­fells­bæ. Þegar kem­ur að því að hanna eld­hús finnst Stellu skipta miklu máli að flétta sam­an fag­ur­fræðinni og nota­gild­inu og aðlaga rýmið að þörf­um eig­enda.

Fal­leg og heild­stæð mynd

„Eld­húsið var hannað 2022 í sam­ráði við hús­ráðend­ur. Hrafn­hild­ur og Bjarki vildu eld­hús þar sem vinnuplássið væri í for­grunni og hugað væri að þeirra þörf­um. Eyj­an stækk­ar rýmið til muna og nýt­ist vel fyr­ir alla fjöl­skyldumeðlimi. Þegar kom að efn­is­vali og lit var svart­ur viður, ryðfrítt stál og kera­mik­flís­ar í fyrsta sæti. Efniviður­inn sem varð fyr­ir val­inu, stálið, kera­mikið og viður­inn flæða afar vel sam­an og úr varð fal­leg og heildstæð mynd,“ seg­ir Stella.