Hefur þú smakkað hægeldaðan nautahnakka í kóksósu?

Hæg­eldaður nauta­hnakki í kóksósu

• 1,2 kg nauta­hnakki, skor­inn í 3 cm sneiðar
• Bezt á nautið, kryddið eft­ir smekk
• 2 pk. svepp­asúpa frá Toro
• 1 dl nauta­soð (eða vatn)
• 3,5 dl rjómi
• 3-4 dl kók (ekki syk­ur­laust)
• 1 nauta­ten­ing­ur
• 2 tsk. Worcesters­hire-sósa
• Smá hvít­ur pip­ar
• Smjör til steik­ing­ar

Aðferð:

1. Hitið ofn­inn í 130° hita.
2. Nuddið krydd­inu Bezt á nautið á nauta­hnakksneiðarn­ar og steikið þær upp úr vel af smjöri á háum hita á milli­stórri pönnu.
3. Raðið nauta­hnakkssneiðunum í botn­inn á ofn­potti eða notið eld­fast mót ef þið eigið ekki ofn­pott, setjið þá álp­app­ír yfir formið áður en það fer inn í ofn.
4. Setjið nauta­ten­ing og nauta­soð á pönn­una og látið suðuna koma upp.
5. Setjið næst pakk­ana tvo af svepp­asúpu á pönn­una og hrærið öllu vel sam­an.
6. Bætið rjóm­an­um á pönn­una, smátt og smátt og hrærið vel í súp­unni á meðan. Hún á að vera mjög þykk.
7. Setjið næst kók, Worcesters­hire-sósu og hvít­an pip­ar á pönn­una og látið allt sjóða sam­an þangað til súp­an er þykk en kekkjalaus.
8. Hellið sós­unni yfir nauta­hnakkssneiðarn­ar, setjið lok á ofn­pott­inn og setjið hann inn í ofn.
9. Eldið í 7-8 klukku­stund­ir.
10. Þegar kjötið er til­búið er það tætt í sund­ur með gaffli og hrært vel sam­an við sós­una.
11. Berið fram með heima­lagaðri kart­öflumús.