Matur | mbl | 10.3.2024 | 12:30

Páskakúlur sem gleðja og gefa

Dýrðlegar páskakúlur sem næra og gleðja. Ljósmynd/Jana

Hér eru á ferðinni dýrðlega páskakúlur, svokallaðar gull sítrónuorkukúlur sem koma úr smiðju Kristjönu Steingrímsdóttur, Jönu. Jana elskar að prófa sig áfram í hollustu uppskriftunum og þar sem páskarnir eru skammt undan langaði hana til að búa til eitthvað páskalegt, næringarríkt og hollt. Þetta er útkoman.

Gull sítrónuorkukúlur

2 bollar döðlur steinlausar
1 bolli kasjúhnetur
1 bolli kókosmjöl
4 msk. sítrónusafi
1 tsk. sítrónubörkur
1 tsk. Gullkrydd/ eða ½ tsk. túrmerik duft
Smá salt
Smá auka kókosmjöl til að velta kúlunum upp

Aðferð:

Setjið allt nema pínu auka kókosmjöl í matvinnsluvél.
Blandið vel saman þar til blandan verður líkt og deig.
Ef ykkur finnst blandan of þurr er í lagi að setja teskeið af vatni út í og blanda aftur.
Mótið litlar kúlur, ágætt að vera í hönskum þar sem Gullkryddið litar aðeins.
Rúllið kúlunum upp úr kókosmjöli og leggðu á bökunarpappír og frystið.
Geymið kúlurnar í loftþéttu boxi í frysti.