Unaðslega góð grafin bleikja

Graf­in bleikja með dukkha og sítr­ónugras­froðu

Upp­skrift fyr­ir 12

Graf­in bleikja

• 250 g salt
• 250 g syk­ur
• 1 stk. límóna (börk­ur­inn)
• 2 stk. bleikju­flök
• 30 ml sítr­ónu­olía

Aðferð:

1. Roðflettið bleikj­una.
2. Blandið salt­inu, sykr­in­um og berk­in­um af límón­unni sam­an og setjið gott lag af því á bakka.
3. Bleikj­an er síðan lögð ofan á blönd­una á bakk­an­um og svo er það sem eft­ir er af henni skellt yfir bleikj­una.
4. Leggið bleikj­una í 15 mín­út­ur í blönd­una og skolið hana síðan með köldu vatni.
5. Pakkið bleikj­unni í loft­tæm­ingar­poka eða eins og við segj­um á ensku „vacc­um“-pakkið bleikj­unni, með sítr­ónu­olí­unni.
6. Und­ir­búið svo vatnsbað með „sous vide“-tæki og stillið hit­ann á 48°C.
7. Eldið bleikj­una í 10 mín­út­ur og setjið hana svo beint í kalt vatn til að stöðva eld­un­ina.
8. Áður en hún er svo bor­in fram er hún brennd að ofan með brenn­ara.

Sýrðar rauðróf­ur

• 1 stk. rauðrófa
• 50 g borðedik
• 50 g syk­ur
• 50 g vatn

Aðferð:

1. Skrælið rauðróf­una og skerið þunnt á mandó­líni og setjið í krukku.
2. Blandið það sem eft­ir er af hrá­efn­un­um sam­an og setjið í pott og hitið þar til syk­ur­inn hef­ur leyst sig upp.
3. Hellið síðan vökv­an­um yfir rauðróf­urn­ar.
4. Látið kólna og setjið svo lok á krukk­una.
5. Hægt er að geyma þetta í marg­ar vik­ur og þessi blanda verður bara betri með tím­an­um.

Dukkha

160 g hesli­hnet­ur

• 60 g möndl­ur
• 60 g hvít ses­am­fræ
• 60 g pist­así­ur
• 1 msk. fenn­el­fræ
• 1 tsk. cum­in
• 1 tsk. kórí­and­er
• ½ tsk.  cayenne
• Salt eft­ir smekk

Aðferð:

1. Setjið allt sam­an í mat­vinnslu­vél og blandið vel sam­an.

Sítr­ónugras­froða

• 100 ml olía
• 1 stk. egg
• 50 g sítr­ónugras (e. lemong­rass)

Aðferð:

1. Brjótið sítr­ónugrasið niður í litla bita og setjið ásamt ol­í­unni í pott og hitið.
2. Setjið svo lok á pott­inn og látið kólna yfir nótt.
3. Sigtið ol­í­una.
4. Setjið sam­an olíu og egg í skál og blandið sam­an með töfra­sprota.
5. Setjið blönd­una síðan sam­an í rjómasprautu.