Föstu­dag­ar eru pítsu­dag­ar hjá mörg­um fjöl­skyld­um og fram­veg­is mun birt­ast pítsu­upp­skrift­ir sem les­end­ur mat­ar­vefs­ins geta prófað og máta sig við. Pítsa er einn vin­sæl­asti mat­ur í heimi og hef­ur verið um ára­bil. Sá fyrsti sem ríður á vaðið með pítsu­upp­skrift og mun ef­laust deila með les­end­um mat­ar­vefs­ins nokkr­um upp­skrift­um af pítsum í sum­ar er Árni Þor­varðar­son bak­ari og fag­stjóri við Hót­el- og mat­væla­skól­ann.

Pabbapítsur eða Járn­karlapítsur

Árni hef­ur síðustu ár verið dug­leg­ur að þróa pítsur og baka bæði fyr­ir börn­in sín og vini þeirra auk þess sem það er alltaf vin­sælt að bjóða fjöl­skyld­unni og vin­um í mat. Pítsurn­ar hans Árna hafa ým­ist fengið nafnið Pabbapítsur eða Járn­karlapítsur.

Upp­runa pítsunn­ar má rekja til fornra menn­ing­ar­heima en eins og flest­ir vita var píts­an eins og við þekkj­um hana í dag fund­in þar upp. Flat­bak­an með ein­föld­um áleggj­um, ein­stakt bragð og stíl er það sem hef­ur heillað fólk um all­an heim og mun halda áfram að gera hvort sem er með nap­ólsku þunn­botna pítsunni eða siki­leysku þykku pítsunni. Ítal­ir hafa þróað pítsur fyr­ir allra manna smekk og ósk­ir og veitt öðrum teg­und­um mat­ar inn­blást­ur.

Sport að fá boð í pít­sapartí hjá Árna bak­ara

Pítsurn­ar hans Árna eiga sér sögu síðan 2018 eða þegar pít­sa­ofn­arn­ir eru að byrja að ryðja sér til rúms á Íslandi. „Á þess­um tíma er einnig mik­il vit­und­ar­vakn­ing í súr­deigs­bakstri og ég var þekkt­ur fyr­ir að halda við hinum ýmsu teg­und­um af súr­deigs­mömm­um í ís­skápn­um heima. Kom­inn var upp góður kjarni af vin­um og kunn­ingj­um sem skipt­ist á upp­skrift­um og prófaði sig áfram með hin ýmsu deig. Á þess­um tíma eru börn­in ung að árum og eig­in­kon­an vann mikið er­lend­is. Það var því oft­ar en ekki auðveld­ast fyr­ir mig að græja heima­gerðar pítsur í kvöld­mat. Smám sam­an fóru pítsurn­ar að verða vörumerki inn­an vina­hópa barn­anna og það var orðið sport að fá boð í pít­sapartí hjá Árna bak­ara,“ seg­ir Árni og hlær.

Árni seg­ir að einn mik­il­væg­asti þátt­ur­inn í pít­sa­gerð sé notk­un á góðu hrá­efni. „Ég byggi mín­ar pítsur upp á súr­deigi sem hef­ur al­mennt minni áhrif á blóðsyk­ur fólks. Hrein tóm­at­púrra og ekki of mik­ill ost­ur eða álegg ger­ir það að verk­um að píts­an nýt­ur sín bet­ur bæði í bakstri og í munni. Svo er mik­il­vægt að hafa góðan ofn til að baka pítsuna í.“

Prófa næst ofn með snún­ings­disk

Árni hef­ur skipt nokkr­um sinn­um um pít­sa­ofn í gegn­um árin og mun halda því áfram því alltaf er eitt­hvað nýtt að koma fram.„ Fyrsti ofn­inn minn var stór og belg­mik­ill sem náði ekki mikl­um und­ir­hita. Næsti var með brenn­ara í botn­in­um sem hélt hit­an­um ekki nægj­an­lega vel. Nú­ver­andi ofn fjöl­skyld­unn­ar er með brenn­ara á báðum hliðum sem þýðir að ekki þarf að snúa pítsunni eins oft í ofn­in­um. Nú horfi ég til þess að prófa næst ofn með snún­ings­disk.“

Ein­fald­leik­inn er aðals­merki ít­alskr­ar mat­ar­gerðar

Árni seg­ir líka skipta máli hvernig píts­an er gerð. „Við gerð pítsunn­ar er mik­il­vægt að handteygja deigið, nota tré­spaða til að setja pítsuna í ofn­inn og snúa pítsunni á meðan á eld­un stend­ur til að tryggja jafn­an bakst­ur. Mik­il­vægt er að for­hita ofn­inn vel eða upp í 500°C hita þó oft sé áskor­un að koma pít­sa­ofn­um upp í svo hátt hita­stig. Það er líka mik­il­vægt að hafa ekki of mikið ofan á pítsunni. Hin hefðbundna ít­alska pítsa hef­ur venju­lega aðeins örfá álegg sem ger­ir gæði hrá­efn­is­ins og bragðið af skorp­unni kleift að skína í gegn. Þessi ein­fald­leiki er aðals­merki ít­alskr­ar mat­ar­gerðar.“

Fyr­ir Árna er pítsa er meira en bara mat­ur og það á við hjá fjölda fólks. Til að mynda er mjög vin­sælt á Íslandi að vera með pít­sa­kvöld á föstu­dög­um og það sést iðulega þegar vikumat­seðlar mat­ar­vefs­ins eru birt­ir. „Pítsa er menn­ing­ar­tákn og sam­ein­ar fjöl­skyld­ur og vini. Bæði börn og full­orðnir elska pítsur. Fólk kem­ur sam­an til að njóta mat­ar­ins. Ítölsk pítsa­menn­ing ein­kenn­ist af fé­lags­legu eðli sínu. Hágæða pít­sa­ofn og áhuga­sam­ur bak­ari ger­ir heim­ilið þitt að nátt­úru­leg­um sam­komu­stað,“ seg­ir Árni að lok­um og gef­ur les­end­um hér upp­skrift að pestó pítsu sem er í miklu upp­á­haldi hjá hon­um.

„Pestó pitsa er bragðmik­il, hæfi­lega ein­föld og skemmti­leg upp­skrift sem er góður val­kost­ur fyr­ir þá sem vilja njóta ít­alskr­ar mat­ar­hefðar. Hún er einnig góður val­kost­ur fyr­ir hópa, þar sem hægt er að búa til mis­mun­andi út­færsl­ur af pestó pitsum með mis­mun­andi áleggi eft­ir smekk og áhuga.“

Föstu­dagspít­s­an í boði Árna er Pestó pítsa að betri gerðinni. Ljós­mynd/Á​rni Þor­varðar­son

Tengd­ar frétt­ir

Upp­skrift­ir

„Smakkaði nauta­steik í fyrsta skiptið á Costa del Sol“

• Hanna kann að gera pikklaðan jalapeno sem bragð er af
• Heima­lagaða guaca­mole sem ríf­ur í
• Grill­ar reykt­an bein­merg með T-bone steik­inni
• Af­hjúp­ar upp­skrift­ina að Jóa Fel sós­unni frægu

» Fleiri tengd­ar frétt­ir

Bakst­ur

Leynd­ar­málið á Hvíta fálk­an­um

• Ómögu­legt að stoppa eft­ir einn bita þegar byrjað er á þess­ari
• Sjáið Önnu Marín búa til guðdóm­legt súkkulaðit­art
• Peru­tert­an eins og hún var í gamla daga
• Skot­held vöfflu­upp­skrift fyr­ir 17. júní

» Fleiri tengd­ar frétt­ir

Pítsa

Verður þetta sum­ar­leg­asta píts­an í ár?

• „Ég elska að elda með mömmu“
• Þessi pítsa á eft­ir að rífa í
• Íslensk­ar og ít­alsk­ar jóla­hefðir sam­ein­ast á brak­andi pítsa­botn­um
• Sæt­kart­öflupítsurn­ar henn­ar Birnu njóta mik­illa vin­sælda

» Fleiri tengd­ar frétt­ir

Ítölsk mat­ar­gerð

Ofn­bakaðar las­anjar­úll­ur sem all­ir munu elska

• Tjúllaður kjúk­ling­ur í mila­nese eins og Hanna vill hafa hann
• Ógleym­an­leg mat­ar­upp­lif­un hjá Cesare Batt­isti í Mars­halls­hús­inu
• Þessi pítsa á eft­ir að rífa í
• Ítölsk sæl­kera­veisla í Vest­ur­bæn­um

» Fleiri tengd­ar frétt­ir

• Blogga um frétt