Framboð Katrínar Jakobsdóttur forsetaframbjóðanda til forseta Íslands efnir til brauðtertukeppni laugardaginn 11. maí næstkomandi. Brauðtertukeppnin fer fram á kosningaskrifstofu Katrínar við Tryggvagötu 21.

„Brauðtertan er menningarsögulegt fyrirbæri, þess vegna mun framboð Katrínar efna til brauðtertukeppni,“ segir Lísa Kristjánsdóttir sem mun taka á móti skráningum fyrir hönd framboðsins. Öllum er velkomið að taka þátt í keppninni og aðstandendur keppninnar eru þegar orðnir spenntir að sjá hæfileika landsmanna í brauðtertugerð. Yfirskrift keppninnar er einfaldlega Brauðtertukeppni Katrínar.

Keppendur skrá sig með því að senda tölvupóst á netfang Lísu: lisakristjansdottir@gmail.com

Í kjölfarið mun þeim berast leiðbeiningar varðandi skil á tertum.

Katrín mun veita þrenn verðlaun

Samkvæmt upplýsingum um viðburðinn verða glæsileg verðlaun í boði. Opnað verður klukkan 15:00 á laugardaginn og Katrín mun taka vel á móti gestum og þátttakendum og veita sjálf þrenn verðlaun klukkan 16:30.

Verðlaun veitt fyrir:

1. verðlaun - Útlit og bragð, fullkomin samsetning
2. verðlaun - Frumlegasta tertan
3. verðlaun - Fallegasta tertan

Nánari upplýsingar um keppnina má finna hér. 

Tengdar fréttir

Brauðréttir

Klassísk rækjubrauðterta sem bragðast dásamlega vel

• Þú getur gert „Subway“ kjötbollubátinn heima
• Troðið út úr dyrum í brauðtertukeppni Katrínar Jakobs
• Syndsamlega gott heitt aspasstykki
• Ekta íslensk hangikjötsrúlluterta

» Fleiri tengdar fréttir

Forsetakosningar 2024

Eyddi 65 þúsund krónum fyrir hvert atkvæði

• Hátt í átta milljónir komu úr vasa Ástþórs
• Framboð Katrínar kostaði 57 milljónir
• Kosningabarátta Höllu kostaði 26 milljónir
• Frambjóðendum gert að skila uppgjöri

» Fleiri tengdar fréttir

• Blogga um frétt