Fram­boð Katrín­ar Jak­obs­dótt­ur fram­bjóðanda til for­seta Íslands efn­di til brauðtertu­keppni í gær­dag, laug­ar­dag­inn 11. maí. Brauðtertu­keppn­in fór fram á kosn­inga­skrif­stofu Katrín­ar við Tryggvagötu 21 og yf­ir­skrift keppn­inn­ar var ein­fald­lega Brauðtertu­keppni Katrín­ar.

Þátt­tak­an fór fram úr björt­ustu von­um og bár­ust fjöl­marg­ar brauðtert­ur í keppn­ina. Dóm­nefnd­in fékk það vanda­sama verk að velja verðlauna­brauðtert­urn­ar en það tókst að lok­um.

Katrín veitti þrenn verðlaun

Fullt var út úr dyr­um þegar úr­slit­in voru kunn­gjörð á kosn­inga­skrif­stof­unni en Katrín kynnti sig­ur­veg­ar­ana og veitti verðlaun­in við mik­inn fögnuð viðstaddra. Eft­ir að verðlauna­af­hend­ingu fengu gest­ir að njóta þess að smakka all­ar þess­ar dýr­ind­is brauðtert­ur sem prýddu öll borð skrif­stof­unn­ar.

Verðlaun voru veitt fyr­ir:

1. Verðlaun - Útlit og bragð, full­kom­in sam­setn­ing
2. Verðlaun - Frum­leg­asta brauðtert­an
3. Verðlaun - Fal­leg­asta brauðtert­an

Katrín tók ekki þátt í að velja verðlauna­brauðtert­urn­ar þar sem hún sat ekki í dóm­nefnd­inni. Í dóm­nefnd­inni sátu Marta María Arn­ars­dótt­ir skóla­meist­ari Hús­stjórn­ar­skól­ans, formaður dóm­efnd­ar, Siggi Maj­ónes og Ill­ugi Gunn­ars­son, son­ur Katrín­ar. Dóm­nefnd­in hafði úr vöndu að ráða en fjöl­marg­ar brauðtert­ur bár­ust í keppn­ina sem heilluðu dóm­nefnd­ina og gesti sem báru að garði.

1. Verðlaun hlaut Mar­grét Sig­ur­björns­dótt­ir fyr­ir full­komna sam­setn­ingu, bragð og út­lit.
2. Verðlaun hlutu Trausti Þor­geirs­son og Björg Vign­is­dótt­ir fyr­ir Roast beef tert­una.
3. Verðlaun fyr­ir fal­leg­ustu tert­una hlutu Krist­ín Gunn­ars­dótt­ir, Helena Dögg Hilm­ars­dótt­ir, Anna Mar­grét Jak­obs­dótt­ir, Anna Rut Guðmunds­dótt­ir og Klara Gísla­dótt­ir fyr­ir Bessastaðatert­una.

Menn­ing­ar­sögu­legt fyr­ir­bæri á Íslandi

„Brauðtert­an er menn­ing­ar­sögu­legt fyr­ir­bæri á Íslandi og gegn­um tíðina hef­ur varla verið veisla eða kaffi­boð sem ég hef sótt, án þess að boðið sé upp á brauðtertu. Í það minnsta rækju­sal­at og Ritz kex,“ seg­ir Katrín sposk á svip og bæt­ir við að þetta hafi verið virki­lega skemmti­leg keppni. „Ég er þakk­lát öll­um þeim sem tóku þátt í keppn­inni og gam­an að sjá hve marg­ir búa yfir mikl­um hæfi­leik­um í brauðtertu­gerð. Brauðtert­urn­ar voru marg­ar hverj­ar lista­verk að sjá, hug­mynda­flugið al­gjör­lega óþrjót­andi og all­ar brögðuðust þær mjög vel.“