Túnfisksteik að betri gerðinni

Fyrir tvo

• 2 stk. túnfisksteikur (500 – 600 g)
• Kryddolía (sjá uppskrift fyrir neðan)
• Sesamkryddhjúpur (sjá uppskrift fyrir neðan)
• Djúpa og góða steikarpönnu
• Soja-sósa
• Sesam-olía
• sesamfræ
• Púðursykur
• Hvítlauksduft
• Laukduft
• Salt
• Maldon reykt sjávarsalt
• Ferskur vorlaukur

Aðferð:

1. Hitið steikarpönnuna vel yfir meðalhita og þegar pannan er orðin vel heit, hellið þá örlítið af ólífuolíu á heita pönnuna og í framhaldi leggið túnfisksteikurnar varlega á pönnuna.
2. Eldið steikurnar í 45-60 sekúndur þar til þær fá fallega skorpu.
3. Snúið síðan steikunum við og endurtakið ferlið á hinni hliðinni á sama hátt og í framhaldi setjið túnfisksteikurnar á fat.
4. Skerið túnfisksteikurnar í fallegar sneiðar og skreytið sneiðarnar með vorlauk og reyktu sjávarsalti.
5. Berið fram með reyktu sjávarsalti og söxuðum vorlauk.

Kryddolían

• 3 msk. sojasósa
• 1 tsk. sesamolía

Aðferð:

1. Blandið sojasósunni og sesamolíunni saman í fat eða eldfast mót og veltið túnfiskssteikunum vel upp úr kryddolíunni á öllum hliðum.
2. Látið túnfiskinn standa við stofuhita í um það bil 10 mínútur á meðan sesamkryddhjúpurinn er útbúinn.

Sesam-kryddhjúpur

• 1/3 bolli sesamfræ
• 1 msk. púðursykur
• 1 tsk. hvítlauksduft
• 1 tsk. laukduft
• 1 tsk. salt

Aðferð:

1. Blandið saman sesamfræjum, púðursykri, hvítlauksdufti, laukdufti og salti í skál og dreifið jafnt yfir í framhaldi á disk.
2. Leggið túnfiskssteikurnar ofan á sesamfræs-kryddhjúpinn og þrýstið þeim vel ofan á blönduna til að kryddhjúpurinn loði vel við allar hliðar á steikunum.