Eins og fram hef­ur komið á Mat­ar­vef mbl.is stend­ur yfir heims­meist­ara­mót ungra bak­ara á Íslandi og er það í fyrsta skipti sem mótið er haldið hér á landi. Mikið er um dýrðir í keppn­inni sem hald­in er í Hót­el- og mat­væla­skól­an­um í Kópa­vogi og alls taka sjö lönd þátt: Ísland, Þýska­land, Frakk­land, Svíþjóð, Spánn, Ung­verja­land og Kína.

Færðu for­setafrúnni gull­fal­leg­ar kök­ur

Í til­efni heims­meist­ara­móts­ins bauð El­iza Reid for­setafrú kepp­end­um og aðstand­end­um þeirra til mót­töku á Bessa­stöðum. Í til­efni þessa færðu kepp­end­ur Íslands, Stef­an­ía Malen Guðmunds­dótt­ir og Hekla Guðrún Þrast­ar­dótt­ir El­izu for­setafrú gull­fal­leg­ar kök­ur. Ann­ars veg­ar kran­sa­köku skreytta með súkkulaði, sem Guðbjörg Ósk Gunn­ars­dótt­ir ný­út­skrifaður bakarí gerði og hins veg­ar fal­lega rauða tertu, ástar­blómið, sem Finn­ur Guðberg Ívars­son ný­út­skrifaður bak­ari gerði sér­stak­lega handa for­seta­hjón­un­um.

El­iza var hug­fang­in af kök­un­um sem henni voru færðar og út­geisl­un ungu bak­ar­ana sem mættu á Bessastaði. Kepp­end­ur voru að skoða þenn­an merka stað og njóta gest­risni for­setafrú­ar­inn­ar áður en keppni hófst á nýja leik. Var það mik­il upp­lif­un fyr­ir ungu bak­ar­ana að heim­sækja Bessastaði og hitta for­setafrúna, sem sýndi mik­inn áhuga á starfi þeirra og hæfi­leik­um.

Einnig færði Sig­urður Már Guðjóns­son, formaður LABAK, El­izu Reid for­setafrú viður­kenn­ing­ar­skjal og gull­medal­íu frá Lands­sam­bandi bak­ara­meist­ara. 

Hef­ur verið haldið síðan 1971

Heims­meist­ara­mótið hef­ur verið hald­ið síðan árið 1971, fyrst í Berlín í Þýskalandi. Upp­haf­lega voru kepp­end­ur fáir, en eft­ir því sem árin hafa liðið hafa fleiri og fleiri lönd sent þátt­tak­end­ur til að taka þátt í þess­ari spenn­andi keppni. Keppn­in hef­ur gengið und­ir nafn­inu heims­meist­ara­keppni ungra bak­ara.