Hið alkunna Punk-Instagram tré auglýst til sölu í apríl síðastliðinn þegar veitingastaðurinn Punk hætti starfsemi eins og fram kom á matarvef mbl.is . Tréð seldist nánast um leið og það var auglýst til sölu og eitt mest ljósmyndaða tré landsins eignaðist nýja eigendur. Nú er tréð búið að fá sinn stað á sínu nýja heimili, á Pósthúsinu Mathöll við Pósthússtræti í hjarta borgarinnar.
Matargestir á Pósthúsinu njóta þessa dagana hins fræga Instagram-trés en það laðar gesti að með sinni einstöku fegurð og aðdráttarafli sem aldrei fyrr. Nú hefur tréð fengið nýtt kennileiti og er myndað bak og fyrir af matargestum og nýtur þess að vera baðað í sviðsljósinu sem aldrei fyrr.