Sumarlegir borgarar með súrsuðum gúrkum og pikkluðum rauðlauk

Veg­an borg­ar­ar með súrsuðum gúrk­um og pikkluðum rauðlauk

Veg­an borg­ar­ar

Fyr­ir 4

• 1 pk. Veg­an buff Ellu Stínu, 4 buff
• 4 ham­borg­ara­brauð
• Ham­borg­arasósa Ellu Stínu
• Veg­an ostsneiðar
• Ferskt sal­at að eig­in vali
• 2-3 tóm­at­ar
• Súr­ar gúrk­ur (upp­skrift að neðan)
• Pikklaður rauðlauk­ur (upp­skrift að neðan).

Heima­gerðar súr­ar gúrk­ur

• 1 gúrka
• 1 dl vatn
• 1 dl hrís­grjóna­e­dik
• 1 msk. syk­ur
• 2 tsk. salt
• Nýmalaður svart­ur pip­ar
• 2 pressuð hvít­lauksrif

Aðferð:

1. Skerið gúrk­una í þunn­ar sneiðar og setjið í stóra krukku eða ílát úr gleri.
2. Hellið vatn­inu og ed­ik­inu yfir ásamt sykri, salti, pip­ar og pressuðum hvít­lauk.
3. Geymið í kæli í um það bil 1 klukku­stund, en Ellu Stínu finnst gúrk­urn­ar best­ar eft­ir um 4-5 klukku­stund­ir í kæli.

Pikklaður rauðlauk­ur

• 2 rauðlauk­ar 
• 2 dl vatn
• 2 dl edik, hægt að blanda sam­an rauðvín­se­diki og epla­e­diki
• 1 msk. syk­ur
• 2 tsk. salt 

Aðferð:

1. Hitið edik, vatn, syk­ur og salt í potti.
2. Skerið rauðlauk­inn í þunn­ar sneiðar og setjið ofan í stóra krukku eða ílát úr gleri.
3. Hellið ed­iks­blönd­unni yfir rauðlauk­inn.
4. Látið standa í að minnsta kosti hálf­tíma en þá hef­ur lauk­ur­inn fengið fag­ur­bleik­an lit.
5. Geym­ist í kæli.

Sam­setn­ing

1. Grillið eða steikið veg­an buff­in og kryddið með salti og pip­ar.
2. Setjið ost­inn ofan á og haldið lok­inu á pönn­unni/​grill­inu svo ost­ur­inn bráðni bet­ur.
3. Grillið eða hitið ham­borg­ara­brauðin svo þau hald­ist þó mjúk að inn­an.
4. Setjið nú ham­borg­ar­ana sam­an með ham­borg­arasósu, sal­ati, súr­um gúrk­um, tómöt­um, pikkluðum lauk og veg­an buffi.
5. Berið fram á fal­legu disk­um eða viðarbretti og njótið.