Telma Matthíasdóttir er einn af vinsælustu einkaþjálfurum landsins og hefur unnið markvisst að því að bæta líf og heilsu landsmanna. Aðspurð segir hún að það besta sem hún veit er að taka ísbíltúr á Lemon og fá á sér einn ferskasta og besta sjeik sem er í senn hollur og góður.
Til að fagna sumrinu fengu Gurrý Indriðadóttir markaðsstjóri Lemon og Jóhanna Soffía Birgisdóttir, alla jafna kölluð Fía, framkvæmdastjóri á Lemon, Telmu til að taka sér frí frá þjálfuninni og bjóða fólki að smakka próteinsjeikana á Lemon Suðurlandsbraut, en hún hefur gert hvorki meira né minna en fimm sjeika fyrir Lemon.
„Staðurinn stútfylltist enda voru viðskiptavinir, íþróttafólk og landsmenn æstir í að smakka þessa góðu próteinsjeika. Við verðum að huga að heilsunni og njóta þess besta sem lífið hefur að bjóða,“ segir Gurrý.
„Ég versla mikið á Lemon enda hollusta höfð í fyrirrúmi þar. Á Lemon fæ ég þá orku og næringu sem ég þarf fyrir líkamann. Sumarið er komið og þá er ekkert betra en að taka ísbíltúrinn á Lemon og fá sér próteinsjeik. Einnig elskar starfsfólk Bætiefnabúllunnar þegar ég kem með glaðning frá Lemon til þeirra“ segir Telma.
Eins og sést á myndunum þá var mikið fjör og mikið gaman í smakkpartíi Telmu á Lemon.