Matur | mbl | 18.6.2024 | 14:00

Það er ofurauðvelt að gera stracciatella

Stracciatella er svo gott með mörgu og sérstaklega gott á pítsur og ofan á súrdeigsbrauð. Ljósmynd/Hanna Thordarson

Margir halda að það sé erfitt að gera stracciatella og aðferðin sé mun flóknari en hún er í raun.

Hanna Thordarson keramiker og matgæðingur komst í raun um það um daginn eftir að hafa fundið uppskrift í blaðið og prófað. Hanna er iðin að deila uppskriftunum sínum og uppfinningum á uppskriftasíðu sinni og gaman er að fylgjast með því sem hún er að gera.

Stracciatella er mjög gott í matargerð eins og ídýfu eða ofan á pítsu og brauð. Það gerist fátt betra en pönnuristuð súrdeigsbrauðsneið með pestói, stracciatella, parmaskinku og smá af parmesan-osti eða nokkrum dropum af olíu og nokkrum pipar- og saltkornum.

Heimagert stracciatella

1 fersk stór mozzarellakúla
½ – 1 dl rjómi
Salt eftir smakk

Aðferð:

Finnið gott ílát með loki til að setja ostinn í.
Hellið vökvanum frá og skerið ostinn fínt niður í strimla eða rifið fínt með rifjárni.
Setjið strimlana í skál og hellið rjómanum yfir – lokið og látið standa í að minnsta kosti 3 klukkustundir eða helst yfir nótt í kæli. Magnið af rjómanum fer eftir því hversu blautt þú vilt hafa straccatellað
Hrærið og smakkið með salti
Stracciatella geymist ágætlega í nokkra daga í lokuðu íláti í kæli.