Hvenær er fiskur tilbúinn?

Þá er komið að hús­ráði vik­unn­ar úr smiðju fyr­irliða ís­lenska kokka­landsliðsins, Ísaks Arons Jó­hanns­son­ar. Hann gef­ur les­end­um mat­ar­vefs­ins góð hús­ráð alla föstu­daga sem nýt­ast vel við mat­ar­gerðina, bakst­ur­inn og þegar grilla skal. Að þessu sinni ætl­ar hann að gefa gott ráð þegar kem­ur að því elda fisk og at­huga hvort hann er til­bú­inn. Því það er hvorki gott að of elda fisk né hafa hann hrá­an.

Kökup­inni sem ger­ir krafta­verk

„Að vita hvenær fisk­ur er til­bú­inn get­ur verið erfitt. Hér er gott trix til að at­huga það, ég nota kökup­inna með prjón frá Allt í köku og það ör­ugg­lega hægt að finna sam­bæri­lega pinna í fleiri versl­un­um með eld­húsáhöld. Í öll­um fisk eru vöðvaþræðir sem liggja þvert í fiskn­um, með því að stinga pinn­an­um í gegn­um fisk­inn þá get­ur þú fundið hvort að það sé mótstaða í fiskn­um eða ekki. Ef að pinn­inn fer létti­lega í gegn þá veistu að hann sé til­bú­inn, ef ekki þá þarf hann nokkr­ar mín­út­ur í viðbót,“ seg­ir Ísak.

• Blogga um frétt