Mikil gleði var við völd á sunnudaginn síðastliðinn þegar eins árs afmæli Vínstofu Friðheima var fagnað með pompi og prakt. Fjölskyldan á Vínstofu Friðheima tók höfðinglega á móti gestum og gangandi og skálað var í Segura Viudas Cava og boðið upp á e‘clair a la Natalia Cieplucha en hún er nýútskrifuð í e‘clair gerð frá París í Frakklandi. Auk þess ómuðu ljúfir tónar á meðan á afmælisfögnuðunum stóð sem Pálmi Sigurhjartarson og Bjössi Sax ásamt fríðu föruneyti stóðu fyrir og léku listir sínar á hljóðfærin á sviðinu.
Fjölskyldan á Vínstofu Friðheima tók höfðinglega á móti gestum og gangandi og skálað var í Segura Viudas Cava og boðið upp á e‘clair a la Natalia Cieplucha en hún er nýútskrifuð í e‘clair gerð frá París í Frakklandi. Auk þess ómuðu ljúfir tónar á meðan á afmælisfögnuðunum stóð sem Pálmi Sigurhjartarson og Bjössi Sax ásamt fríðu föruneyti stóðu fyrir og léku listir sínar á hljóðfærin á sviðinu.
„Árið er búið að vera viðburðaríkt þar sem viðtökurnar hafa farið fram úr vonum og væntingum. Vínstofu-hugmyndin og konseptið er afrakstur frjórrar og skemmtilegrar vinnu sem við unnum í samstarfi við RATA með okkar frábæra starfsfólki þar sem rammað var inn hvað okkur langaði til að skapa og búa til og erum við síðan búin að fylgja þessum grunni eftir ásamt því að læra af reynslunni og eftirspurninni. Þá sáum við snemma að spurnin eftir mat var meiri en við reiknuðum með í byrjun og því fórum við í það verkefni að stækka eldhúsið okkar í vetur til þess að geta boðið upp á enn stærri og veglegri matseðil með haustinu og hlökkum mikið til. Með þessu ætlum við líka að flétta inn í konseptið okkar matar-og vínpörunum með sögustund,“ segir Dóróthea Ármann sem sér um rekstur Vínstofunnar ásamt manni sínum Kristjáni Geir Gunnarssyni.
Boðið hefur verið upp á fjölmarga viðburði þetta fyrsta ár Vínstofunnar og viðtökurnar hafa verið fram úr björtustu vonum. „ Listamaðurinn KK reið á vaðið í haust og síðan hefur fjöldinn allur af úrvalsliði heimsótt okkur, eins og GDRN, Moses Hightower, Valdimar, Helgi Björns ásamt fleiri frábærum listamönnum sem hafa fyllt húsið af ljúfum tónum. Fyrir utan þetta höfum við haft fjölbreytta dagskrá; t.d. osta- og vínpörun, viskísmakk, regluleg prjónakvöld, konukvöld, fyrirlestra og ýmislegt annað. Því má segja að Vínstofan sé að verða ótrúlega lifandi og skemmtilegt hús sem litar okkar fallega samfélag, enda gaman að sjá hve mikið af sveitungum, sumarhúsaeigendum, ferðamönnum og gestum gangandi heimsækja okkur – og mjög ánægjulegt að Vínstofan eigi orðið marga fastagesti, sem okkur þykir mjög vænt um,“ segir Dóróthea enn fremur.
Það verður spennandi að sjá hvað sumarið og komandi vetur mun bera í skauti sér á Vínstofunni og jafnframt eiga matgæðingar eftir að gleðjast yfir stærri matseðli þar sem kokkarnir og teymið í eldhúsinu eiga eftir að framreiða.