Rauðmetissalat úr smiðju súrkálsdrottningarinnar
Setja bókamerki
Rauðmetissalat er súrkálssalat vikunnar sem kemur úr smiðju súrkálsdrottningarinnar Dagnýju Hermannsdóttur sem veit allt um súrkál.
„Þetta er matarmikið og djúsí salat sem passar sérlega vel með sunnudagssteikinni eða grillmatnum. Það er þægilegt að nota forsoðnar rauðrófur en auðvitað er ekki síðra að sjóða og kæla rauðrófurnar,“ segir Dagný.
Um alla Evrópu og Asíu er gjarna borið fram súrkál eða kimchi með þungum mat, eins og kjöti. Í lifandi súrkáli eru nefnilega ensím sem hjálpa til við meltinguna og góðgerlarnir spilla ekki fyrir.
Það er um að gera að leika sér með hlutföllin í uppskriftinni og jafnvel bæta smátt skornu epli saman við ef vill. Salatið geymist nokkra daga í kæli.
Rauðmetissalat úr smiðju súrkálsdrottningarinnar
Rauðmetissalat
- 500 g forsoðnar rauðrófur
- 120 g rauðlaukur
- 250 g Rauðmeti (má líka vera Klassískt með kúmeni)
- 1 dós sýrður rjómi
Aðferð:
- Byrjið á því að skera rauðrófurnar í teninga og rauðlaukinn í þunnar sneiðar.
- Blandið öllum innihaldsefnum vel saman í skál og þá er salatið er klárt.
- Berið fram með því sem hugurinn girnist.
Kort sýnir fyrirhugaðar lokanir í Heiðmörk
Íslendingur í Liverpool: „Við sáum eiginlega allt“
Eldur í Garðabæ
„Ég var nýfarinn þarna í gegn“
„Svolítil aðgerð“ að fjarlægja vélina
Ósáttir við níu ára tafir Reykjavíkurborgar
Greiður aðgangur verði að Heiðmörk
Listi yfir þá sem keyptu í Íslandsbanka