Matur | mbl | 4.7.2024 | 21:00

Suðrænn sumardrykkur sem skemmtir bragðlaukunum

Þessi suðrænni kokteill á vel við þegar sólin fer að skína. Í kokteilnum er meðal annars kókosmjólk og ananas sem smellpassa saman, svo ferskt og gott. Samsett mynd

Hér er á ferðinni suðrænn og skemmtilegur sumardrykkur sem ber heitið Monkey Colada og á uppruna sinn að rekja til hins klassíska kokteils, Pina Colada. Kókosmjólkin og ananasinn gefa drykknum sumarlegan blæ og skemmta bragðlaukunum. Þetta er ekta drykkur til að blanda þegar sólin skín og á vonandi vel við um helgina.

Monkey Colada

40 ml Monkey Shoulder
20 ml kókosmjólk
60 ml ananassafi
10 ml ferskur límónusafi
Aðeins af sykursírópi
Appelsínu- eða ananassneið til skrauts
Fersk mynta til skrauts

Aðferð:

Setjið öll hráefnin saman í blandara og blandið vel saman.
Bætið við aðeins af sykursírópi eftir smekk.
Hellið drykknum í hátt glas.
Skreytið með appelsínu- eða ananassneið ásamt ferskri myntu og berið fram.
Hægt er að bæta við ögn af salti til þess hjálpa til við að jafna bragð drykkjarins.