Ekki leika þér með kjötið

Þá er komið að hús­ráði vik­unn­ar úr smiðju fyr­irliða ís­lenska kokka­landsliðsins, Ísaks Arons Jó­hanns­son­ar.

Hann gef­ur les­end­um mat­ar­vefs­ins góð hús­ráð alla föstu­daga sem nýt­ast vel við mat­ar­gerðina, bakst­ur­inn og þegar grilla skal.

Að þessu sinni ætl­ar hann að gefa gott ráð þegar grilla skal. En Ísak seg­ir að fólk eigið það til að vera leika sér of mikið með steik­urn­ar á grill­inu.

Grillið þarf að vera heitt

„Þegar kjöt er grillað á fólk til með að snúa steik­inni of oft og leika sér aðeins of mikið með það. Til að fá fal­leg­ar grill­rend­ur í kjötið þarf grillið að vera heitt og mik­il­vægt að leyfa kjöt­inu að liggja í friði.

Einnig þarf að passa upp á hita­stigið á grill­inu og ef það er lok á því þá er mik­il­vægt að opna það ekki að óþörfu, erfitt get­ur verið að halda því heitu og fá góða brún­un á kjötið í ís­lenska veðrinu.“

• Blogga um frétt