Í tilefni af þjóðhátíðardegi Frakka, Bastilludagsins, 14. júlí síðastliðinn, bauð Guillaume Bazard sendiherra Frakklands og starfsfólk sendiráðsins, til glæsilegrar veislu þar sem franskar kræsingar voru í hávegum hafðar. Boðið var til móttöku í Eddu, hús íslenskra fræða, sem var einstakleg viðeigandi við þetta tilefni.
Sérstök áhersla var lögð á Ólympíuleikana sem eru hefjast í Frakklandi þann 26. júlí næstkomandi í París líka fagnað en þar verður án efa mikið um dýrðir. Í tilefni Ólympíuleikana var búið að setja upp nokkur borðtennisborð fyrir hátíðargesti en borðtennis er orðin Ólympíuíþrótt. Sendiherrann Bazard tók vel á móti gestum og flutti fallega hátíðarræðu auk þess sem franski og íslensku þjóðsöngvarnir ómuðu um salinn.
Fjöldi gesta mætti til veislunnar og var fullt út úr dyrum enda var yfir 250 manns sem komu og fögnuðu þjóðhátíðardegi Frakka. Boðið var upp á hágæða guðaveiga, frönsk hvítvín og rauðvín og skálað var fyrir Bastilludeginum kampavíni frá kampavínshúsinu Drappier sem rann ljúft ofan í veislugesti.
Kræsingarnar voru stórglæsilegar, Eirný Sigurðardóttir ostadrottning Íslands bauð upp á gullfallegt ostahlaðborð sem minnti á „Renaissance“ matarmálverk þar sem franskir ostar voru í aðalhlutverki ásamt baguetta brauði. Framsetningin var framúrskarandi og flestar kræsingar voru framreiddar á keramik diskum og plöttum sem fönguðu augu gesta. Einnig var boðið upp á franskar snittur frá Stefáni Elí og kokkurinn í franska sendiráðinu, Dorothea bauð upp á Quiche Lorraine.
Hér fyrir neðan má sjá myndir úr veislunni þar sem franski sendiherrann var hrókur alls fagnaðar.