Heimalagað „Pico de Gallo“
Setja bókamerki
Tengdar fréttir
Uppskriftir
Chuy Zarate, og dóttir hans, Dora Zarate, sem koma alla leið frá San Miguel de Allende í Mexíkó, voru í viðtali um helgina í sunnudagsblaði Morgunblaðsins, meðal annars í tilefni þess að staðurinn þeirra Fuego Taquería hlaut viðurkenningu fyrir matargerðina hjá Reykjavíkurborg og jafnframt að staðurinn mun opna von bráðar á Akureyri í nýju Mathöllinni Iðunni. En veitingastaðinn má finna í Mathöllinni Hlemmi og Mathöll Galleríi við Hafnartorgi.
„Hugmyndin á bak við Fuego Taquería er að framreiða vinsæl takkó sem eiga uppruna sinn í Mexíkó,“ segir Chuy. Maturinn sé ekta en þau hafi aðlagað matargerðina því sem hentar á Íslandi. Allt er búið til frá grunni, meira að segja sósurnar. Chuy svipti hulunni af tveimur uppskriftum meðal annars þessari guðdómlega góðu salsasósu.
Eitt af því sem helst einkennir mexíkóskan mat er salsasósan. Mismunandi tegundir eru til af salsasósu og er „Picco de Gallo“ (eða „salsa fresco“) ein þeirra. Sósan verður ekki eins maukkennd og Íslendingar kannast við frá krukkunum í búðarhillunum.
Heimalagað „Pico de Gallo“
Heimalagað „Pico de Gallo“
- 4 stórir tómatar
- 1 laukur
- 1 grænt chili
- safi úr einni límónu
- handfylli af kóríander
- salt og pipar eftir smekk
Aðferð:
- Saxið kóríander fínt og geymið til hliðar.
- Skerið tómatana í sneiðar og setjið í skál.
- Skerið laukinn í fína bita og bætið í skálina.
- Saxið grænt chili í þunnar sneiðar (fjarlægið fræin ef þið viljið sósuna minna sterka) og bætið í skálina.
- Bætið kóríandernum við sósuna.
- Blandið hráefnunum saman.
- Bætið við safanum af límónunni og salti og pipar. Blandið saman og smakkið til.
- Sósuna má nota á takkó, sem salatsósu eða með tortilla-flögum.
Staðfesta áætlun um að leggja undir sig Gasa
Reyndu að fella Vilhjálm á brennivíni, kerlingum og sköttum
Þjóðverjarnir breyta nafni Fríhafnarinnar
Einkunnir gáfu allt aðra mynd
/frimg/1/56/51/1565178.jpg)
/frimg/1/56/31/1563181.jpg)
Hvað er að gerast á milli Indlands og Pakistan?
Afleiðingarnar að koma í ljós
Í mál við Faxaflóahafnir
Svolítill djammkarl í vísindum