Frakk­inn Arth­ur Lawrence Sassi á og rek­ur franska bistróið La Cuis­ine. Bláskel og fransk­ar eru í sér­legu upp­á­haldi hjá Arth­ur sem bráðlega mun opna ann­an stað á Ak­ur­eyri.

Má bjóða þér vatns­glas?“ spyr veit­ingamaður­inn Arth­ur Lawrence Sassi á fal­legri ís­lensku. Hann býður blaðamanni til sæt­is í nota­leg­um bás á La Cuis­ine, frönsku bistrói í Hafn­ar­torgi Gallery. Arth­ur hef­ur búið hér í átta ár en er enn að læra okk­ar erfiða tungu­mál og skipt­um við því yfir í ensku. Arth­ur hóf fer­il sinn hér á landi sem upp­vask­ari en hef­ur komið ár sinni vel fyr­ir borð; hann er nú eig­andi og rekstr­ar­stjóri veit­ingastaðar og faðir tveggja ára drengs. Arth­ur fær­ir nú út kví­arn­ar því La Cuis­ine verður opnað í nýrri mat­höll á Ak­ur­eyri í haust.

Smjör og rjómi í norðri

„Áður var hér veit­ingastaður­inn Akur en við opnuðum hér í nóv­em­ber á síðasta ári. Ég breytti auðvitað nafn­inu og gerði staðinn að mín­um, hannaður eft­ir mínu kon­septi,“ seg­ir Arth­ur, sem er bor­inn og barn­fædd­ur Par­ís­ar­búi. Þar nam hann marg­miðlun­ar­fræði; nokkuð sem teng­ist lítið mat­ar­gerð eða veit­ing­a­rekstri.

„Fjöl­skyld­an mín er bæði úr norðri og frá suður­strönd­inni þannig að ég er und­ir áhrif­um frá ömm­um, öfum og frænd­systkin­um hvað varðar mat­ar­hefðir; í norðri er eldað með smjöri og rjóma en í suðri með chili og ólífu­olíu. Frakk­land býr yfir fjöl­breyttri mat­ar­gerðarlist.“

Arth­ur flutti til Íslands árið 2013, þá 23 ára gam­all.

„Þá talaði ég hvorki ensku né ís­lensku og fékk vinnu sem upp­vask­ari til að borga leigu og reikn­inga, en á þeim tíma bjó ég hjá guðmóður minni,“ seg­ir Arth­ur og seg­ist fljót­lega hafa fengið vinnu á Restaurant Reykja­vík, sem áður hét Kaffi Reykja­vík. Þar var hann skólaður til í veit­inga­brans­an­um.

„Ég vann mig svo upp í að sjá um rekst­ur veit­ingastaða og var svo ráðinn hjá Kröst, for­vera Ak­urs, og vann þar í fimm eða sex ár. Á sama tíma byrjaði ég með víns­mökk­un og lærði margt um þá list. Ég hef því unnið núna í yfir ára­tug í veit­inga­geir­an­um.“

Spurður um guðmóður­ina ís­lensku seg­ir Arth­ur að hún heiti Sig­ríður Arn­ars­dótt­ir, en hún og móðir Arth­urs eru gaml­ar vin­kon­ur. Arth­ur kom því nokkr­um sinn­um til Íslands sem barn.

„Þær hafa verið vin­kon­ur mjög lengi og var hún gerð guðmóðir mín þegar ég fædd­ist. Eig­inmaður henn­ar er Frakki og þau hafa rekið ferðaþjón­ustu í gegn­um árin, Fjalla­bak, sem börn þeirra hafa nú tekið við.“

Son­ur­inn besti kenn­ar­inn

„Ég tek Reykja­vík fram yfir Par­ís. Fyrst ætlaði ég bara að dvelja hér í þrjá mánuði en hafði aðeins keypt mér miða aðra leið og þurfti að vinna mér inn fyr­ir heim­ferðinni. Ég frestaði svo sí­fellt heim­ferðinni en mér finnst allt miklu ró­legra hér og fólkið er frjáls­lynt og vina­legt. Ég fann mig hér í menn­ing­unni þannig að eft­ir ein­hvern tíma áttaði ég mig á því að ég vildi búa hér,“ seg­ir hann og seg­ir ekk­ert hér sem hon­um líki ekki.

„Mér lík­ar meira að segja við veðrið,“ seg­ir hann og bros­ir.

„Sem Frakki sakna ég kannski allra mat­ar­markaða sem finna má í heima­land­inu þar sem hægt er að fá alls kyns osta, ferskt græn­meti og ávexti,“ seg­ir hann.

„Mitt mark­mið er að verða altalandi á ís­lensku og ég ætla í skóla, en í dag læri ég ný orð á hverj­um degi í gegn­um vini mína. Ég er sí­fellt að æfa mig og leggja á minnið ný orð. Svo á ég tveggja ára gaml­an son, Priam Bald­ur, og hann er minn besti ís­lensku­kenn­ari,“ seg­ir hann en Arth­ur á hér góðan vina­hóp og seg­ir ekki hafa verið erfitt að eign­ast ís­lenska vini.

„Ég ákvað strax að reyna að vera ekki mikið inn­an um aðra Frakka því mig langaði að eign­ast ís­lenska vini og það hjálpaði mér að kom­ast inn í lífið hér og menn­ing­una.“

Bláskel í upp­á­haldi

Við snú­um okk­ur að máli mál­anna, veit­ingastaðnum La Cuis­ine.

„Þetta er franskt bistró og við bjóðum hér upp á dæmi­gerða franska rétti eins og lauksúpu og steik og fransk­ar með bé­arnaise. En við leik­um okk­ur líka mikið með ís­lensku hrá­efn­in og með mat­ar­gerð eins og tíðkast á Norður­lönd­um. Ég er stolt­ur af minni arf­leifð og því býð ég bæði upp á rétti frá Norður-Frakklandi og Suður-Frakklandi. Í suðrinu er mat­ur­inn meira í ætt við spænsk­an eða Miðjarðar­hafs­mat,“ seg­ir Arth­ur og nefn­ir að mat­seðill­inn sé árstíðabund­inn.

„Viðskipt­in ganga vel; það var frek­ar erfið byrj­un en geng­ur bet­ur núna. Við höf­um eytt miklu púðri í að koma því til fólks að þetta sé ekki bara bar,“ seg­ir hann.

„Vin­sæl­asti rétt­ur­inn er bláskel og fransk­ar sem er dæmi­gerður rétt­ur frá Norður-Frakklandi. Svo eru lauksúp­an, krókett­ur og rækju­spjót­in mjög vin­sæl­ir rétt­ir,“ seg­ir hann.

„Því miður er ekki hægt að fá bláskel­ina allt árið, en hún kem­ur úr Breiðafirði. Það er upp­á­halds­rétt­ur­inn minn og ég borða hann oft í viku.“

Opn­ar norðan heiða

Allt er nú á fullu fyr­ir norðan við að setja upp nýtt eld­hús svo La Cuis­ine geti opnað þar í haust.

„Við hyggj­umst opna í byrj­un októ­ber og ég mun flakka á milli staðanna og starfs­fólk mitt einnig,“ seg­ir Arth­ur, en gest­ir La Cuis­ine eru mest­megn­is Íslend­ing­ar þótt stund­um komi er­lend­ir hóp­ar eða ferðalang­ar.

„Marg­ir Íslend­ing­ar sem koma hingað þekkja franska mat­ar­gerð og hafa jafn­vel búið í Frakklandi og vilja því fá fransk­an mat,“ seg­ir Arth­ur sem hlakk­ar mikið til að bjóða íbú­um Norður­lands upp á fransk­an mat eins og La Cuis­ine er einu lagið.

Arth­ur deil­ir hér með les­end­um upp­skrift af steik og bé­arnaise á franska vísu. Fleiri upp­skrift­ir munu birt­ast eft­ir Arth­ur á næstu dög­um á Mat­ar­vefn­um.

mbl.is/Á​sdís

Tengd­ar frétt­ir

Upp­skrift­ir

Kokteill­inn sem var hannaður móður Sir Winst­on Churchill

• Byggsal­at með kryd­d­jurta­dress­ingu sem er engri lík
• Mangó- og kiwi-draum­ur­inn henn­ar Unn­ar
• Sjáið Önnu Marín búa til guðdóm­legt súkkulaðit­art
• Suðrænn túr­merik unaður Krist­ín­ar

» Fleiri tengd­ar frétt­ir

Meðlæti

Byggsal­at með kryd­d­jurta­dress­ingu sem er engri lík

• Kremuð límónu- og chil­isósa sem Jói Fel elsk­ar
• Birria taco-ið henn­ar Ing­unn­ar nýt­ur mik­illa vin­sælda
• Bjarki ger­ir hina full­komnu grill­máltíð
• Upp­á­halds­sum­arsal­atið er með vatns­mel­ónu, myntu og feta­osti

» Fleiri tengd­ar frétt­ir

Sós­ur

Kremuð límónu- og chil­isósa sem Jói Fel elsk­ar

• Birria taco-ið henn­ar Ing­unn­ar nýt­ur mik­illa vin­sælda
• Bjarki ger­ir hina full­komnu grill­máltíð
• Sum­ar­leg grill­spjót með græn­meti og gril­losti úr smiðju Berg­lind­ar
• Kjúk­linga­sal­atið henn­ar Helgu Möggu með stökk­um hrís­grjón­um

» Fleiri tengd­ar frétt­ir

Nauta­steik

„Að grilla er eitt það skemmti­leg­asta sem ég geri“

• Safa­rík grilluð toma- hawk-steik í blíðunni
• Byrjaði að grilla 13 ára göm­ul í úti­legu
• Eyþór mæl­ir með heil­steiktri nauta­lund til að njóta um helg­ina
• Ljúf­fengt steik­ar­sal­at Önnu í Frozen

» Fleiri tengd­ar frétt­ir

Mat­ar­upp­lif­un

Íslenska kokka­landsliðið bauð upp á heimsklassa mat­ar­upp­lif­un á Frök­en Reykja­vík

• Trendí-mat­gæðinga-hverfið í Par­ís sem þú verður að heim­sækja
• Heiða borg­ar­stjóri og Hrann­ar buðu til georgískr­ar páska­máltíðar
• Páska­egg mat­gæðing­anna sem heilla gest­ina upp úr skón­um
• „Helltu í okk­ur frönsk­um lí­kjör­um úti í garði í kvöld­sól­inni“

» Fleiri tengd­ar frétt­ir