Í til­efni að út­gáfu mat­reiðslu­bók­ar­inn­ar The Coocoo´s Nest buðu hjón­in Íris Ann Sig­urðardótt­ir og Lucas Kell­er í stór­feng­legt út­gáfupartí á Hót­el Holti. Útgáfupar­tíið þykir eitt það glæsi­leg­asta sem sög­ur fara af og borðin hrein­lega svignuðu utan kræs­ing­un­um sem boðið var upp á.

Mat­reiðslu­bók­in er hin veg­leg­asta, fal­leg og gerðarleg og er afrakst­ur þeirra hjóna eft­ir rekst­ur veit­ingastaðar­ins The Coocoo´s Nest í ára­tug út á Granda. En þau áttu og ráku veit­ingastaðinn The Coocoo´s Nest í liðlega tíu ár. Mynd­irn­ar eru augna­kon­fekt að njóta en Íris Ann tók all­ar mynd­irn­ar og upp­skrift­irn­ar hver ann­arri spenn­andi enda svipt­ir Lucas hul­unni af upp­skrift­un­um af vin­sæl­ustu rétt­um staðar­ins. Það var mál manna á þarna væri kom­in mat­ar­bibl­í­an sem mun glæða mörg eld­hús og mat­ar­boð nýju lífi.

Fögnuðu út­gáf­unni

Mikið fjöl­menni mætti til að fagna út­gáf­unni með hjón­un­um og son­um þeirra, Indigo og Sky, sem hafa fylgt for­eldr­um sín­um alla tíð gegn­um veit­ing­a­rekst­ur­inn á The Coocoo´s Nest og í fram­hald­inu að út­gáfu bók­ar­inn­ar. Meðal þeirra sem glödd­ust með fjöl­skyld­unni má nefna Eir­ný Sig­urðardótt­ur, Áslaugu Snorra­dótt­ur, Tobbu Marinós og fjöl­skyldu svo fáir séu nefnd­ir.

„Við vild­um fanga þess­um ára­tug okk­ar á Grand­an­um í bók ein­fald­lega til þess að varðveita þess­ar minn­ing­ar,“ seg­ir Íris Ann þegar hún er spurð út til­urðina að út­gáfu bók­ar­inn­ar.

Ævin­týra­leg upp­lif­un

Íris Ann og Lucas eru þekkt fyr­ir að fara ótroðnar slóðir í fram­setn­ingu sinni í mat­ar­gerð og eru list­ræn með ein­dæm­um. Þegar inn kom á Hót­el Holt blasti við æv­in­týra­lega upp­lif­un, boðið var upp á kræs­ing­ar og veig­ar sem fönguðu öll skiln­ing­ar­vit gesta. Meira segja bók­un­um var stillt upp á list­ræn­an hátt þannig að þær fóru ekki fram hjá nein­um sem inn kom. Það var svo sann­ar­lega hipp og kúl stemn­ing í þessu út­gáfupartí og gleðin var í fyr­ir­rúmi.