Matur | mbl | 21.9.2024 | 6:30

Ítölsk grænmetissúpa úr leyndardómsfulla eldhúsinu

Girnileg grænmetissúpu úr leyndardómsfulla eldhúsinu í Húsó. mbl.is/Árni Sæberg

Ein vinsælasta súpan í Hússtjórnarskólanum, alla jafna kallaður Húsó, er þessi dásamlega ítalska grænmetissúpa. Í eldhúsinu í Húsó er að finna svo margar girnilegar uppskriftir af góðum réttum sem einfalt er að gera eins og þessa súpu sem er bráðholl og bragðgóð.

Marta María Arnarsdóttir skólameistarinn í Húsó er iðin að deila með lesendum Matarvefsins uppskriftum úr leyndardómsfulla eldhúsinu og mælir eindregið með að allir borði að minnsta kosti einn grænmetisrétt á viku.

„Það er upplagt að bera súpuna fram með nýbökuðu snittubrauði eða brauðbollum með smjöri,“ segir Marta María með bros á vör. Þá er upplagt að baka Húsó-smábrauðin eða Húsó-snittubrauðið og bjóða upp á með grænmetissúpunni.

Húsó-smábrauðin fullkomin fyrir helgarbaksturinn

1 laukur, saxaður
2 gulrætur, sneiddar
1 sellerístilkur, skorinn smátt
2 kartöflur, flysjaðar og skornar í litla bita
½ blómkálshöfuð, skorið í lítil búnt
3 hvítlauksrif, söxuð
matarolía til steikingar
1 ½ l vatn
2-3 ts.k grænmetiskraftur
400 g tómatar í dós
3 ms.k tómatþykkni
1 tsk. merian
2 msk. fersk steinselja
Pipar eftir smekk
1 dl pastafiðrildi, hægt að hafa 2-3 dl ef þið viljið hafa súpuna matarmeiri

Aðferð:

Látið allt krauma í heitri olíunni í 2-3 mínútur.
Bætið svo vatni, tómötum og kryddi út í og sjóðið áfram í um það bil 20 mínútur.
Sjóðið pastafiðrildi með síðustu tíu mínúturnar.
Berið rifinn parmesanost með súpunni og endilega nýbakað brauð eða brauðbollur með smjöri og osti.