Húsó-kanilhnútarnir eru fullkomnir með helgarkaffinu

Húsó- kanil­snúðar eða kanil­hnút­ar

Deigið

• 1 ¾ dl mjólk
• 75 g smjör eða smjör­líki
• 4 ½ tsk. ger
• 20 g syk­ur
• 250 g brauðhveiti
• ½ tsk salt

Fyll­ing­in

• Brætt smjör eft­ir smekk
• Kanil­syk­ur eft­ir smekk
• 1 egg til pensl­un­ar
• E.t.v. perlu­syk­ur

Aðferð:

1. Hellið mjólk­inni í skál.
2. Bræðið smjörið og hellið henni síðan út í skál­ina með mjólk­inni.
3. Leysið því næst gerið upp í volg­um vökv­an­um.
4. Bætið síðan rest­inni af þur­refn­um sam­an við og hnoðið sam­an með sleif.
5. Stráið hveiti yfir deigið og leyfið því að hef­ast í u.þ.b. 40 mín­út­ur á volg­um stað.
6. Fletjið deigið út í rétt­hyrn­ing.
7. Síðan er næsta skref að smyrja fyll­ing­una á deigið
8. Penslið bræddu smjöri yfir deigið.
9. Stráið kanil­sykri yfir.
10. Næst er það sam­setn­ing­in.
11. Það er hægt að mynda alls kyns snúða. Hér nefn­um við þrjár aðferðir:

- Rúllið deig­inu upp í pylsu og skerið í sneiðar og raðið á plötu til að mynda hefðbundna kanil­snúða.

- Brjótið deigið í tvennt, skerið í lengj­ur og snúið upp á lengj­urn­ar í spíral eins og snigil til að mynda „kanil­hnúta”.

- Brjótið deigið í þrennt, eins og í viska­stykkja­brot. Skerið í lengj­ur. Skerið aft­ur í lengj­urn­ar þar til myndaðar hafa verið þrír arm­ar úr hverri lengju, fléttið arm­ana sam­an og snúið lengj­unni síðan beint upp í kanil­hnút.

Síðan er það loka­hnykk­ur­inn:

1. Gott er að leyfa snúðunum að tví­hef­ast, hef­ast aft­ur í 10-20 mín­út­ur.
2. Penslið snúðana með egg­inu, og stráið e.t.v. perlu­sykri yfir.
3. Bakið við 175°C á und­ir og yfir hita í um það bil 10-12 mín­út­ur þar til snúðarn­ir eru orðnir gull­in­brún­ir. Gætið þess að of­baka þá ekki svo þeir verði ekki of stökk­ir og harðir.