Taco-veislan sem bjargar þriðjudeginum
Ekta „Taco Tuesday“ sælkeramáltíð til að bjóða upp á.
Ljósmynd/Berglind Hreiðars
Setja bókamerki
Hér er á ferðinni tilbreyting fyrir „Taco Tuesday“ sem kemur í smiðju Berglindar Hreiðars hjá Gotterí og gersemar. Ef ykkur langar að slá í gegn á þriðjudegi og bjóða í mat þá er þetta rétturinn.
Sjáið hvernig Berglind vinnur verkið.
Taco-veislan sem bjargar þriðjudeginum
Fylltar sælkera tortilla kökur
Fyrir 4
- 500 g nautahakk
- ½ poki Taco krydd
- 8 stórar tortilla kökur
- 8 litlar tortilla kökur
- 8 msk. sýrður rjómi
- 16 msk. ostasósa
- Maarud tortilla chili cheese flögur
- Rósakál/Iceberg, saxað
- 4 tómatar, saxaðir
- Rifinn ostur
- Lárperumauk (sjá uppskrift að neðan)
- Olía til steikingar
Aðferð:
- Steikið hakkið og kryddið, geymið.
- Smyrjið miðjuna á stóru tortilla kökunni með um 1 msk. af sýrðum rjóma.
- Setjið næst hakk yfir og þá um 2 msk. af ostasósu.
- Næst má raða tortilla flögum yfir ostasósuna og setja kál, tómata og rifinn ost ofan á.
- Að lokum má setja litla tortilla köku ofan á allt og bretta hina stóru upp á hana.
- Steikið við meðalhita á pönnu þar til kakan byrjar að gyllast og verður stökk.
- Skerið til helminga og berið fram með guacamole og Maarud tortilla flögum.
Lárperumauk
- 3 litlar lárperur
- 100 g piccolo tómatar
- ½ rauðlaukur
- 1 msk. límónusafi
- Salt og pipar eftir smekk
Aðferð:
- Saxið laukinn og tómatana niður.
- Stappið lárperurnar og kreistið límónusafann yfir.
- Blandið öllu saman og kryddið eftir smekk.
Fjárfestingum þegar frestað víða um land
Gervigreindarmyndbönd á íslensku vekja athygli
„Sjálfstæð blaðamennska ekki lengur möguleg“
Efa stórlega að Ísrael virði vopnahléið
„Fullt af rauðum flöggum“ sem hefði átt að grípa
„Ég hef tröllatrú á þessu“
Gömul bygging fær nýtt hlutverk