Þetta kemur í veg fyrir að rjóminn falli
Setja bókamerki
Eftirréttadrottningin, Ólöf Ólafsdóttir, konditori og fyrrverandi meðlimur íslenska kokkalandsliðsins gefur lesendum Matarvefarvefsins góð bakstursráð í vetur. Ráðin hennar Ólafar munu nýtast þeim sem hafa gaman að því að baka og skreyta kökur.
Best að þeyta rjómann á miðlungs stillingu
„Þegar við vinnum með rjóma er mikilvægt að rjóminn sé kaldur og einnig skálin sem við þeytum rjómann í. Best er að þeyta rjómann á miðlungs stillingu þannig að loftbólurnar sem myndast í rjómanum verði litlar. Það gerir það að verkum að rjóminn haldist betur og kemur í veg fyrir að hann falli.
Ef þú þeytir rjóma á hröðustu stillingu þá myndar rjóminn stærri loftbólur og þá á rjóminn það til að falla. Gott er að hafa í huga að passa að ofþeyta rjóma ekki þegar kemur að því að þeyta rjóma í mús eða frómas því þá verður músin eða frómasinn ekki jafn stíf/stífur og áferðin þar af leiðandi mikið betri.“
Gaf út bók
Vert er að geta þess að hún gaf út bókina Ómótstæðilegir eftirréttir í samstarfi við Eddu útgáfu síðastliðinn vetur sem gerði mikla lukku en þar er að finna girnilegar uppskriftir af eftirréttum, góð ráð og heilræði fyrir bakstur og skreytingar svo fátt sé nefnt.
Trump búinn að greiða atkvæði
Ágreiningur í VG um aðild að NATO
Börnum mismunað: Kjaradeilan verði leyst án tafar
Nágranninn fannst látinn við nærliggjandi skóla
Þungbært að missa félaga
Tíu börn á spítala, þar af tvö á gjörgæslu