Mexíkósk veisla í Húsó

Mexí­kósk mat­ar­veisla

Tortill­ur - heima­gerðar

12 tortilla pönnu­kök­ur

• 375 g hveiti (eða t.d. hveiti og spelt til helm­inga)
• 1 tsk. salt
• 1 tsk. lyfti­duft
• 80 ml. græn­met­isol­ía
• 240 ml. heitt vatn 

Aðferð:

1. Blandið hveiti, salti og lyfti­dufti sam­an í skál.
2. Bætið olíu og vatni sam­an við og hrærið í hræri­vél í um 1 mín­útu en stoppið nokkr­um sinn­um og skrapið deigið niður úr hliðunum.
3. Þegar þetta hef­ur bland­ast vel sam­an, stillið á lægstu still­ingu og hrærið í aðra mín­útu.
4. Færið á hveit­istráið borð og skiptið deig­inu í tvennt og síðan aft­ur í tvennt.
5. Haldið þessu áfram þar til þið hafið skipt deig­inu í 12 jafn­stóra hluta og mótið síðan kúl­ur. Ef deigið er klístrað bætið smá hveiti sam­an við.
6. Setjið viska­stykki yfir kúl­urn­ar og leyfið að standa í um 15 mín­út­ur.
7. Eft­ir þetta skuluð þið fletja deigið út og hita því næst pönnu­kökupönnu eða litla pönnu. Þegar hún er orðin mjög heit setjið pönnu­kök­una á pönn­una og steikið í um 1 mín­útu, eða þar til hún er far­in að fá brúna hringi, færið á hina hliðina og hitið í 30 sek­únd­ur.
8. Gott er að geyma tortill­urn­ar í poka með renni­lás eða í lokuðu íláti.
9. Það held­ur þeim mjúk­um meðan hinar pönnu­kök­urn­ar eru bakaðar.
10. Tortill­urn­ar hald­ast fersk­ar í lokuðu íláti í sól­ar­hring og geym­ast einnig í frysti í lang­an tíma.

Qu­es­a­dillas með nauta­hakki

• 500 g nauta­hakk
• 1 lauk­ur
• 1 rauð paprika
• 200 g rjóma­ost­ur
• 3 msk. sweet chili sósa
• Chili exploti­on krydd eða fersk­ur chili smátt skor­inn
• Salt og pip­ar eft­ir smekk
• Salsa
• Nachos
• Rif­inn ost­ur
• 6 stór­ar tortill­ur
• 2 msk. ólífu­olía
• 2 tsk. papriku­duft

Aðferð:

1. Steikið nauta­hakkið og kryddið með salti, pip­ar og chili exploti­on/fersk­um chili.
2. Skerið lauk og papriku í þunn­ar sneiðar og steikið með nauta­hakk­inu í nokkr­ar mín­út­ur.
3. Bætið rjóma­osti og sweet chili á pönn­una og látið bráðna sam­an.
4. Leggið tortilla­kök­urn­ar á ofn­plötu og dreifið fyll­ing­unni yfir tortill­urn­ar.
5. Myljið nachos og setjið yfir ásamt rifn­um osti.
6. Leggið aðra tortilla­köku yfir og penslið með olíu og papriku­dufti.
7. Setjið í 200 °C heit­an ofn í 5-8 mín­út­ur.
8. Skerið í sneiðar og berið fram með salsasósu og sýrðum rjóma.

Enchila­das með kjúk­lingi

• 2 msk. ólífu­olía
• 1 lauk­ur, smátt saxaður
• 2-3 hvít­lauksrif
• chil­ipip­ar (best að nota 3-4 þurrkuð rauð ald­in í þenn­an rétt því þá er maður alltaf með svipaðan styrk­leika. Það eru til marg­ar og mis­mun­andi gerðir af chil­ipip­ar)
• 1 msk. ferskt kórí­and­er
• 1 dós niðursoðnir tóm­at­ar
• 2 msk. tóm­at­mauk (1 dvergdós)
• Salt og pip­ar eft­ir smekk
• 250 g steikt­ur eða soðinn kjúk­ling­ur, til­valið að nýta af­gang af kjúk­lingi
• 250 g kota­sæla
• 250 g rif­inn ost­ur
• 12 ljós­ar tortilla kök­ur

Aðferð:

1. Hitið olíu á pönnu.
2. Steikið lauk og hvít­lauk þar til hann mýk­ist.
3. Bætið við chil­ipip­ar og kórí­and­er og síðan tómöt­um og tóm­at­mauki.
4. Smakkið til með salti og pip­ar. Látið krauma í 15-20 mín­út­ur.
5. Blandið sam­an smátt skornu kjúk­linga­kjöti, osti og kota­sælu.
6. Fyllið tortilla kök­urn­ar með blönd­unni, vefjið upp og setjið á eld­fast fat með sam­skeyt­in niður.
7. Hellið tóm­at­blönd­unni yfir, setjið álp­app­ír yfir og bakið í 30 mín­út­ur.
8. Takið þá álp­app­ír­inn af og bakið áfram í 15 mín­út­ur.
9. Skreytið með fersk­um kórí­and­er.
10. Berið fram með góðu sal­ati.

Heima­til­búið guaca­mole

Fyr­ir 4-5

• 4 stór, þroskuð avóka­dó
• 1 rauðlauk­ur
• 2 stór­ir tóm­at­ar
• 4 hvít­lauksrif (fyr­ir þá sem elska ekki hvít­lauk, 2 rif)
• ½ sítr­óna
• 1 tsk. salt
• 1 msk. saxaður kórí­and­er (ef þið viljið)

Aðferð: 

1. Skerið avóka­dó þvers­um þannig að stein­inn liggi í öðrum helm­ingn­um þegar hann er kom­inn í sund­ur.
2. Notið svo skeið til að ná stein­in­um úr og skafið inn­an úr öll­um helm­ingn­um og setjið í skál. Stappið svo inni­hald avóka­dós­ins með gaffli og notið skeiðina til að hjálpa, stappið þangað til þetta er orðið að al­gjöru mauki.
3. Skerið rauðlauk­inn í eins smáa bita og hægt er og setjið út í avóka­dómaukið.
4. Gerið það sama við tóm­at­ana, skerið í eins smáa bita og mögu­legt er og setjið út í blönd­una.
5. Pressið hvít­lauksrif­in út í.
6. Kreistið hálfa sítr­ónu út í skál­ina og bætið við einni te­skeið af salti eða eft­ir smekk.
7. Að lok­um er öllu hrært sam­an í lit­ríkt og fal­legt guaca­mole-mauk sem bragðast æðis­lega.

Fersk salsasósa

Fyr­ir 4-5

• 6 vel þroskaðir eld­rauðir tóm­at­ar
• 400 g niðursoðnir tóm­at­ar
• 1 lít­ill rauðlauk­ur, skor­inn smátt
• 2 hvít­lauksrif, rifið eða smátt saxað
• 1 grænn chil­ipip­ar (stór eða smár eft­ir smekk)
• Góð hand­fylli af fersk­um kórí­and­er
• Safi úr einni límónu
• ½ tsk. cum­in
• 1 tsk. sjáv­ar­salt

Aðferð:

1. Allt sett í mat­vinnslu­vél eða bland­ara nema fersku tóm­at­arn­ir og blandað/púlsað þannig að út­kom­an verði frek­ar gróf salsasósa. Ekki mauka of lengi.
2. Skerið fersku tóm­at­ana í tvennt og hreinsið inn­an úr þeim með skeið.
3. Skerið smátt niður og blandið sam­an við rest. Ef tóm­at­arn­ir eru ekki hreinsaðir verður sós­an allt of þunn.
4. Smakkið til með salti og sigtið aðeins af vökv­an­um frá áður en salsasós­an er bor­in fram.
5. Sós­an geym­ist í ís­skáp í 2-3 daga.
6. Ef mat­vinnslu­vél eða bland­ari er ekki við hönd­ina er líka hægt að skera allt hrá­efnið frek­ar smátt með hníf og blanda sam­an.