Kræsilegar kartöfluvöfflur sem seðja hungrið
Setja bókamerki
Staldraðu aðeins við næst þegar þú ætlar að henda öllum soðnu kartöflunum sem urðu afgangs í kvöldmatnum. Þú gætir nefnilega verið með efnivið í heila máltíð í höndunum sem annars hefði farið til spillis.
Kartöfluvöfflur eru krassandi og bragðgóðar og henta vel sem máltíð sem hægt er að bjóða upp hvenær dags sem er; í morgunverð, hádegisverð, kvöldverð eða jafnvel sem millimál.
Grunnhráefni vafflanna eru kartöflur en það gerir þér kleift að leika þér með önnur hráefni og álegg í bland því flest allt getur passað með kartöflum.
Allt sem hugurinn girnist.
Svo það skemmir ekki fyrir að vöfflurnar er sérstaklega einfalt að matbúa og tekur undirbúningurinn stuttan tíma.
Matarsóun á heimilum nú til dags er töluvert mikil. Þá er tilvalið að reyna að hugsa sig tvisvar sinnum um áður en maður hendir afgangsmat beinustu leið í tunnuna. Það er ekki einungis umhverfisvænt heldur getur það líka leitt af sér drjúgan sparnað í matarinnkaupum.
Kartöfluvöfflur
Uppskriftin gefur fjórar vöfflur
- 8 meðalstórar soðnar kartöflur
- 1 meðalstór laukur
- 2 egg
- 4 msk hveiti
- 1 tsk matarolía
- Salt, pipar eða krydd eftir smekk
Aðferð:
- Hýðið flysjað af kartöflunum.
- Kartöflurnar stappaðar vel saman í skál þar til þær eru orðnar kekklausar.
- Laukur smátt saxaður og bætt út í skálina.
- Eggjum og olíu bætt við blönduna og hrært vel saman við.
- Kryddblöndu bætt við eftir smekk.
- Vöfflujárnið er svo forhitað áður en kartöflublöndunni er hellt á járnið.
- Einnig er gott að úða Pam-olíu yfir járnið svo vöfflurnar brenni síður við.
- Þegar vöfflurnar hafa náð gullbrúnum lit eru þær tilbúnar.
- Þegar vöfflurnar eru fullbakaðar er tími til að njóta þeirra.
Tilvalið er að spæla egg og sveppi setja ofan á þær, ásamt grænmeti að vild og hvítlaukssósu.
Verði þér að góðu!
Ágreiningur í VG um aðild að NATO
Ekki gerlegt að sakfella eftir lýsingu í ákæru
Tíu börn á spítala, þar af tvö á gjörgæslu
Hvenær vitum við úrslitin?
Útlit fyrir að hallinn verði 17 milljörðum meiri
Gera ráð fyrir 1,7 milljarða króna rekstrarafgangi
Börnum mismunað: Kjaradeilan verði leyst án tafar
„Allir tilbúnir að hjálpa“