Penne pasta með beikoni og sveppum

Fyrir 4-6

• 400 g penne pasta
• 50 g smjör
• 250 g sveppir
• 250 g beikon
• 3 hvítlauksgeirar
• 400 ml rjómi
• 100 g rjómaostur
• 1 lúka parmesanostur (rifinn)
• ½ sítróna (safinn)
• 1 msk. sojasósa
• Salt og pipar eftir smekk
• Klettasalat
• Pekanhnetur saxaðar

Aðferð:

1. Sjóðið pasta samkvæmt leiðbeiningum á pakka og eldið beikonið þar til það er stökkt.
2. Skerið sveppina niður og steikið upp úr smjörinu, kryddið eftir smekk.
3. Rífið hvítlauksgeirana niður þegar sveppirnir hafa mýkst og steikið með þeim stutta stund.
4. Hellið nú rjómanum og rjómaostinum saman við ásamt parmesanosti og blandið öllu saman í sósu.
5. Bætið sojasósu og sítrónusafa við í lokin og meira kryddi ef þurfa þykir.
6. Hrærið soðnu pastanu saman við rjómasósuna ásamt söxuðu beikoni og toppið með klettasalati og söxuðum pekanhnetum, einnig parmesanosti sé þess óskað.