Tinna Sædís Ægisdóttir bakaranemi kom, sá og sigraði Nemakeppni Kornax með frábæra vöru sem vakti hrifningu allra dómaranna. Í öðru sæti endaði Karen Lilja Sveinsdóttir, sem sýndi einnig frábæra frammistöðu, og í þriðja sæti var Kara Sól Ísleifsdóttir, sem gladdi dómarana með vandaðri og fallegri framsetningu.

„Allar eiga þær mikið hrós skilið fyrir stórkostlega frammistöðu og geta verið afar stolt af verkum sínum,“ segir Árni Þorvarðarson bak­ari og fag­stjóri við Hót­el- og mat­væla­skól­ann í Kópa­vogi.

Nemakeppni Kornax lauk í gær, fimmtudaginn 17. október ,með glæsilegri verðlaunaafhendingu í Hótel- og matvælaskólanum í Kópavogi. Þetta var 26. sinn hún var haldin þar bakaranemar keppast um að framleiða bestu og fallegustu vöruna. Það var samdóma álit allra sem að komu að keppnin hafi verið til fyrirmyndar í alla staði og glæsilegri hafi hún aldrei verið.

„Þessi keppni var ótrúlega spennandi og frammistaða keppenda var framúrskarandi í alla staði. Í ár tóku alls 18 bakaranemar þátt í undankeppninni, sem allir lögðu sig alla fram við að skapa einstaklega vandaðar og fallegar vörur. Úr þessum hópi komust 6 keppendur áfram í úrslitakeppnina, Anna Kolbrún Stefánsdóttir frá Gulli Arnari, Jean Louis Aimé Alexandrenne frá Gæðabakstur, Kara Sól Ísleifsdóttir frá Mosfellsbakarí, Karen Lilja Sveinsdóttir frá Gulli Arnari Guðbjörg Skarphéðinsdóttir frá Kökulist og Tinna Sædís Ægisdóttir frá Gulli Arnari,“ segir Árni ennfremur.

Mikilvægur vettvangur til að deila ástríðu sinni í bakstri

„Keppnin var hörð og spennandi, og hver keppandi sýndi framúrskarandi hæfileika í bakstri. Vörurnar sem þeir sköpuðu voru hver annarri glæsilegri, og það var greinilegt að allir höfðu lagt mikla vinnu í að fullkomna hverja einustu smáatriði. Keppnin er ekki aðeins tilraun til að sigra, heldur einnig mikilvægur vettvangur fyrir keppendur til að deila ástríðu sinni fyrir bakstri og þeirri list sem fylgir faginu,“ segir Árni og bætir við að dómararnir hafi verið yfir sig hrifnir að sjá þróunina hjá nemendum.

„Það má segja að keppnir undanfarinna ára, bæði í landsliðsverkefnum og heimsmeistaramótum, hafi vakið bakstursfagið af blundi. Við höfum séð mikla þróun og aukna gæði í faginu, þar sem ungt fólk sýnir ótrúlegan áhuga og metnað. Þessi áhugi hefur ekki aðeins stuðlað að auknum framleiðslugæðum heldur einnig veitt bakaríum landsins aukið virði og sýnt fram á þá miklu list sem felst í bakstri. Það er því ljóst að framtíðin er björt í þessum geira, og við getum sannarlega hlakkað til að fylgjast með því hvernig þessi hæfileikaríka einstaklinga hópur mun vaxa og þróast á komandi árum.“

Aðspurður segist Árni vera í skýjunum með árangur nemenda og hreinlegar hrærður eftir að hafa fylgst með þeim vinna verkefni sinn í þessari keppni.

„Munum sjá fleiri glæsilega bakara í framtíðinni„

„Það var einstakt að fylgjast með þessari keppni, og án efa munum við sjá fleiri glæsilega bakara koma fram í framtíðinni úr þessum hópi. Kornaxkeppnin er mikilvægur vettvangur fyrir alla þá sem hafa ástríðu fyrir bakstri, og hún hefur sannað sig sem lykilatriði í að lyfta faginu upp á nýjar hæðir,“ segir Árni að lokum.

Matarvefur mbl.is óskar verðlaunahöfunum Tinnu Sædísi, Karen Lilju og Köru Sól, innilega til hamingju  árangurinn og öllum sem tóku þátt til hamingju glæsilega frammistöðu.

Hér fyrir neðan má sjá myndaveislu frá verðlaunaafhendingunni sem fram fór í gær í Hótel- og matvælaskólanum í Kópavogi með pomp og prakt ásamt myndum af glæsilegum kræsingum þátttakenda.