Kristín Gyða Bjarnveigardóttir elskar að baka og skreyta kökur og löngu byrjuð þrátt fyrir ungan aldur en hún er einungis 13 ára gömul og stundar nám íÁrbæjarskóla. Hún heldur ávallt upp á hrekkjavökuna og hefur þegar undirbúið sig fyrir morgundaginn en þá verður hrekkjavakan ógurlega.

Ógurlegi hrekkjavökukötturinn tekur á móti gestum og gangandi. Ljósmynd/Bjarnveig

Hún bakaði til að mynda syndsamlega góðar jógúrtmöffins í hrekkjavökubúningi og síðan skar hún hrekkjavökuköttinn ógurlega í grasker sem kemur ótrúlega vel út.

Ógurlegi kötturinn tekur á móti gestum

Þegar komið er að heimili hennar tekur ógurlegi kötturinn á móti gestum. Þegar Kristín Gyða ber hrekkjavökumöffinskökurnar fram leynir sér ekki hve skapandi hún er. 

Hrekkjavökumöffinskökurnar eru frumlega skreyttar, með nornarhöttum, köngulóm og hinu táknræna graskeri. Ljósmynd/Elín Hekga

Aðspurð segir Kristín Gyða að hún sé ekki farin að læra neitt í tengslum við listsköpunina.

„En ég æfi fótbolta og píanó og hef einnig áhuga á myndlist og hönnun.“

Heldur þú upp á hrekkjavökuna?

 „Já, ég held alltaf upp á hrekkjavökuna.“

Hvað finnst þér skemmtilegast við hrekkjavökuna?

„Að útbúa búninga og skreyta.“

Stundum farið á Hrekkjavöku í Árbæjarsafni

Hvernig verður hrekkjavakan þín í ár?

„Ég verð með vinkonum mínum á hrekkjavöku og við gerum eitthvað skemmtilegt, höfum til dæmis stundum farið á Hrekkjavöku í Árbæjarsafni.“

Nú hefur þú verið iðin við að baka og ert búin að töfra fram þessa flottu hrekkjavökumuffins sem eru svo frumlega og vel skreyttar hjá þér. Er einhver saga á bak við uppskriftina þína?

„Mamma mín fékk þessa uppskrift frá systur sinni. Systir hennar fékk uppskriftina frá ömmu minni þegar krakkarnir hennar voru að fermast. En amma mín fékk uppskriftina frá systur sinni. Svo þessi uppskrift hefur gengið á milli og er mikið notuð í fjölskyldunni sem er mjög skemmtilegt,“ segir Kristín Gyða að lokum.

Litríkar og skemmtilegar hrekkjavökumöffins. Ljósmynd/Elín Helga

Kristín Gyða hefur mikið dálæti af því að skreyta kökur. Ljósmynd/Bjarnveig

Tengdar fréttir

Uppskriftir

Gómsætt vetrarsalat úr smiðju Jönu

• Undursamlega gott tandoori lamb með saffran hrísgrjónum
• Ljúffengur ofnbakaður þorskur í sítrónusósu
• Wagyu lúxusborgarinn hans Bjarka er rosalegur
• Kjúklingur með parmesan borinn fram með jógúrtsósu

» Fleiri tengdar fréttir

Bakstur

Stórfengleg kaupstefna og fagsýning af bestu gerð

• Davíð Freyr kom, sá og sigraði í kökukeppninni
• Búin að fullkomna langbesta pítsadeigið
• Anna Marín ætlar að bjóða upp á Drakúla Red velvet bollakökur
• Elínborg gerir rosalega góða rabarbaraköku

» Fleiri tengdar fréttir

Hrekkjavakan

Anna Marín ætlar að bjóða upp á Drakúla Red velvet bollakökur

• Hauskúpuagúrkusalatið á eftir að slá í gegn
• Eva María vill hafa þær blóðugar
• Hrikalegir hrekkjavökukleinurhringir með draugum
• „Hrekkjavökuveitingar eru þær allra skemmtilegustu“

» Fleiri tengdar fréttir

• Blogga um frétt