Ómótstæðilega góð kartöflumús með skemmtilegu tvisti

Kart­öflumús með par­mesanosti og brenndu smjöri

• 1 kg kart­öfl­ur
• 1–2 msk. smjör
• 2½ dl heit mjólk (upp að suðu)
• Salt og hvít­ur pip­ar eft­ir smekk
• Smá mulið múskat
• 1–2 dl par­mesanost­ur, rif­inn fínt
• Brennt smjör, sjá upp­skrift að neðan

Aðferð:

1. Setjið kart­öfl­urn­ar í kalt vatn og saltið aðeins og sjóðið, þegar suðan er kom­in upp, lækkið þá hit­ann og sjóðið í u.þ.b. 20 mín­út­ur. 
2. Þið megið flysja karöfl­urn­ar áður en þið sjóðið þær eða strax eft­ir suðu.
3. Hitið mjólk í potti, til að spara uppþvott er gott að nota pott sem hægt er að nota fyr­ir kart­öflumús­ina í lok­in.
4. Pressið kart­öfl­urn­ar heit­ar.
5. Bætið smjöri út í pott­inn og hrærið sam­an við. 
6. Bætið síðan við heitri mjólk­inni ásamt rifna par­mesanost­in­um og hrærið sam­an. Best er að nota hræri­vél. Passið að hræra ekki of lengi.
7. Kryddið eft­ir smekk.
8. Hönnu finnst ágætt að setja kart­öflumús­ina í lok­in í pott­inn, sem mjólk­in var hituð í, og velgja hana á lág­um hita.
9. Gerið síðan brennda smjörið, sjá upp­skrift að neðan.

Brennt smjör

• 30 g smjör
• 1–2 skarlottu­lauk­ar, fínt skorn­ir
• ½–1 msk. kapers, smátt saxaðir

Aðferð:

1. Bræðið smjör í potti ásamt lauk og kapers. 
2. Það er ágætt að láta smjörið malla á meðal­hita í ró­leg­heit­um. 
3. Þegar farið er að krauma í því og froða mynd­ast ætti að fara að koma brúnn lit­ur í botn­inn.
4. Þegar lauk­ur­inn er orðinn vel brúnn er gott að slökkva á hit­an­um.
5. Rétt áður en kart­öflumús­in er bor­in fram er ágætt að skerpa á hvoru tveggja. 
6. Setjið kart­öflumús­ina á fat og hellið síðan brennda smjör­inu yfir.