Boðið var upp á helj­ar­inn­ar veislu í franska sendi­ráðsbú­staðnum hjá sendi­herra Frakk­lands, Guillaume Baz­ard, á dög­un­um. Veisl­an var hald­in í til­efni þess að franski Michel­in-stjörnu­kokk­ur­innn Thom­as Koe­bel frá Strass­borg kom hingað til lands að kynna hefðbund­inn mat frá héraðinu sínu Alsace .

Koe­bel bauð upp á stór­glæsi­legt hlaðborð með allskyns hefðbund­inn mat frá Alsace eins og pyls­ur, foie-gras, pip­ar­rót­arsósu, sinn­ep, Flammekuche, Choucrou­te og hinn víðfræga Mun­ster osti ásamt vín og lí­kjöra frá héraðinu. Frönsku kræs­ing­arn­ar féllu gest­um mjög vel í geð og hvernig vínið var parað með matn­um kom skemmti­lega á óvart. Mat­ar­gest­irn­ir nutu þess að bragða á þess­um mat og hlusta á Koe­bel segja sög­una bak við rétt­ina.

Mat­ar­gerð og vín frá sér­stöku héraði kynnt

Ástæða þess að Koe­bel kom hingað til lands var að taka þátt í ár­leg­um viðburði franska sendi­ráðsins á Íslandi sem kall­ast Keim­ur. Á hverju ári er mat­ar­gerð og vín frá sér­stöku héraði kynnt til leiks. Í ár var sjón­um beint til Alsace héraðs og þeim dýr­ind­is vín­um og mat­ar­hefðum sem þaðan koma. Koe­bel  er yfir­kokk­ur á Le Rela­is de la Poste í Strass­borg og náði í fyrstu Michel­in-stjörn­una staðar­ins fyr­ir ári síðan.

Í Íslands­heim­sókn­inni heim­sótti hann einnig Hót­el- og mat­væla­skól­ann í Kópa­vogi og kenndi nem­end­um að elda þrjár teg­und­ir af fiski að hætti Alsace búa.