Hugi Rafn Stef­áns­son kom, sá og sigraði keppn­ina um Eft­ir­rétt árs­ins 2024 sem Garri stóð fyr­ir á Stóru eld­hús­sýn­ing­unni fyrr í vet­ur. Hann galdraði fram ljúf­fenga ban­anamús sem dóm­arn­ir heilluðust af. Hann svipt­ir hér hul­unni af leynd­ar­dóms­fullu upp­skrift­inni af sig­ur­rétt­in­um, ban­anamús­in og hvaða töfr­ar liggja að baki. Þeir sem elska ban­ana eiga eft­ir að njóta þess­ara dýrðar.

Gull­fal­leg­ur eft­ir­rétt­ur þar sem ban­ani er í for­grunni. Ljós­mynd/​Mica­ela Aj­anti

Hugi er mat­reiðslumaður að mennt og starfar á veit­ingastaðnum OTO ásamt því að vera part­ur af Kokka­landsliðinu.

„Það fór mik­il vinna í þessa keppni. All­ir mín­ir frí­dag­ar fóru í það að æfa fyr­ir keppn­ina, ég myndi því segja að mitt leynd­ar­mál sé að æfa sig sem mest og leggja sig all­an fram til að sigra svona keppni,“ seg­ir Hugi.

Hugsað er fyr­ir hverju smá­atriði í keppni sem þess­ari og val­inn er rétt­ur disk­ur til að bera fram rétt­inn. Ljós­mynd/​Mica­ela Aj­anti

Hugi seg­ist hafa haft ástríðu fyr­ir elda­mennsku frá því að hann man eft­ir sér. „Ástríðan mín gagn­vart elda­mennsku byrjaði í raun bara þegar ég var lít­ill krakki. Mér fannst virki­lega skemmti­legt að skoða í mat­reiðslu­bæk­ur, en Disney bæk­urn­ar voru í miklu upp­á­haldi og út frá þeim ákvað ég að prófa sjálf­ur að elda rétt­ina úr bók­un­um.“

Hannaði sín eig­in síli­kon­form

Hann er mjög skap­andi í sínu fagi og hef­ur meðal ann­ars hannað og gert sín eig­in síli­kon­form sem eru mikið í notuð í mat­ar­gerð og við gerð eft­ir­rétta svo fátt sé nefnt. Hann seg­ir að til­urðina af gerð þeirra hafi í raun verið nokkuð til­vilj­ana­kennda.

„Ég var með mikið af hug­mynd­um af síli­kon­form­um höfðinu sem ég hafði verið að leita af en aldrei fundið, þess vegna ákvað ég að prófa gera þau sjálf­ur. Síðan er ég bú­inn að vera kenna mér sjálf­ur, þróa og læra tækn­ina, bæði að 3D prenta og þaðan yfir í að blanda silí­kon í formin sem ég prenta út. Ég fór síðan að sýna fólki frá mína eig­in hönn­un, formin, og fólk sýndi hönn­un­inni strax áhuga. Margri spurðu síðan í fram­hald­inu hvort ég gæti hannað og út­fært þeirra hug­mynd­ir líka. Þaðan fékk ég hug­mynd­ina að byrja selja formin og stofnaði því til fyr­ir­tækið Creati­ve Moldwork,“ seg­ir Hugi.

Mikl­ar æf­ing­ar liggja að baki fyr­ir svona keppni. Nostrað er við hvert smá­atriði. Ljós­mynd/​Mica­ela Aj­anti

Hann segi síli­kon­formin auka mögu­leik­ana í fram­setn­ingu í mat­ar­gerð og geri fólki kleift að vera skap­andi. „Formin gefa meiri mögu­leika sköp­un í mat­ar­gerðinni. Þau gefa enda­lausa mögu­leika og tæki­færi til að nýta list­ræna hæfi­leika í meiri mæli við fram­setn­ingu rétt­anna svo dæmi séu tek­in.“

Ban­an­inn fer í for­grunni þegar kem­ur að bragðinu. Ljós­mynd/​Mica­ela Aj­anti

Vinn­ur á OTO sam­hliða æf­ing­um með landsliðinu

Aðspurður seg­ir Hugi framtíðina vera bjarta í mat­ar­gerðinni sem og í keppn­ismat­reiðslu. „Ég sé framtíðina fyr­ir mér mjög spenn­andi og fulla af nýj­um tæki­fær­um. Ég mun að sjálf­sögðu halda áfram á OTO á meðan ég er að æfa  með Kokka­landsliðinu en ég dýrka að vinna þar. Við ætl­um að ná langt sam­an í Kokka­landsliðinu og erum ávallt að æfa okk­ur til að verða betri og auðvitað að stefna hátt í landsliðinu.“

Tengd­ar frétt­ir

Upp­skrift­ir

Ljúf­feng skúffukaka sem ylj­ar sál­inni

• Byrjaði að grilla 13 ára göm­ul í úti­legu
• Svavar af­hjúp­ar leynd­ar­dóms­fullu upp­skrift­ina að drykk árs­ins
• Aðalsjón­varps­rétt­ur­inn í dag með mexí­kósku ívafi
• Dustaði rykið af gam­alli, góðri þýskri smá­köku­upp­skrift

» Fleiri tengd­ar frétt­ir

Bakst­ur

Dustaði rykið af gam­alli, góðri þýskri smá­köku­upp­skrift

• Snúðaveisl­an hans Árna held­ur áfram
• Döðlugott sem full­komið er að töfra fram á góðum frí­degi
• Guðrún Erla held­ur áfram að toppa sig með ómót­stæðileg­um kræs­ing­um
• Und­ur­sam­lega ljúf­feng­ir cinna­bon-snúðar með ostakremi

» Fleiri tengd­ar frétt­ir

Eft­ir­rétt­ir

Berg­lind topp­ar sig og gerði Brownie-ís­köku með hnetutopp­ís

• Döðlugott sem full­komið er að töfra fram á góðum frí­degi
• Súkkulaði- og eft­ir­rétta­meist­ar­inn Juan Gutier­rez heillaði fag­fólkið upp úr skón­um
• Elen­ora held­ur áfram að toppa sig í eft­ir­rétta­gerðinni
• Klass­ísk og ilm­andi vanillu- og tonka­baka sem þú átt eft­ir að elska

» Fleiri tengd­ar frétt­ir

• Blogga um frétt