Blinis með reyktum laxi og fersku dilli með hátíðlegu ívafi
Setja bókamerki
Á aðventunni er gaman að bjóða upp á hátíðlegar og ljúffengar kræsingar. Telja má niður í jólin með hátíðlegum kræsingum eins og til dæmis blinis með reyktum laxi, piparrót og fersku dilli. Margir eiga reyktan lax eftir veiðisumarið sem búið er að reykja og tilvalið er að nota í þennan rétt. Síðan er líka hægt að kaupa reyktan lax í mörgum fisk- og matvöruverslunum. Ferska dillið er dásamlega gott með reyktum laxi og piparrótamajónesi eða jafnvel piparrótarkremi.
Heiðurinn að þessari uppskrift á teymið hjá Hátækni sem er með VAXA grænmetið, spretturnar og kryddjurtirnar. Í uppskriftinni er blinis notað en líka er hægt að nota snittubrauð, skera það í sneiðar og baka með ólífuolíu í stað blinis ef vill.
Blinis með reyktum laxi og fersku dilli með hátíðlegu ívafi
Blinis með reyktum laxi, piparrót og fersku dilli
10-15 blinis
- 200 g reyktur lax
- 15 stk. blinis
- 1 krukka piparrótarmajónes frá Stonewall eða heimalagað piparrótarkrem
- 1 stk. piparrót
- 1 pk. VAXA dill, ferskt
Aðferð:
- Skerið laxinn í eins þunnar sneiðar og mögulegt er.
- Saxið dillið smátt og hrærið út í piparrótarmajónesið.
- Geymið nokkra fallega dillstilka til skreytingar.
- Setjið um það bil eina teskeið af majónesinu á blinis-kökurnar eða snittubrauðið.
- Leggið laxasneiðarnar ofan á. Gaman er að leika sér smá með framsetningu og prófa sig áfram með að fá form og hæð í sneiðarnar.
- Skrælið piparrótina og notið fínt rifjárn til að rífa vænan skammt yfir blinis-kökurnar.
- Skreytið með dilli.
- Berið fallega fram og njótið.
„Við þurfum að koma okkur út úr þessari stöðu“
Undanþágur verði felldar úr gildi
Öll fangelsi hafa verið yfirfull
„Heimsmynd sem ætti að vera bönnuð börnum“
Samrunar sem gætu orðið stórskaðlegir neytendum
Afnema lögin áður en þau valda frekara tjóni
Vaxtalækkun á endastöð nema verðbólga lækki
„Hefði svo sannarlega viljað sjá kröftugra skref stigið“