Nýja jóla­lín­an frá Heklu Björk Guðmunds­dótt­ur lista­konu og hönnuði prýðir jóla­lit­ina, hvíta og rauða, og ber heitið Rend­ur.

Hönn­un henn­ar und­ir merk­inu Heklaislandia hef­ur notið mik­illa vin­sælda og er löngu orðin þekkt hér á landi og víðar. Fyrstu vör­urn­ar komu árið 1996 og síðan þá hef­ur bæst jafnt og þétt við fal­lega hönn­un Heklu, sem Íslend­ing­ar hafa fengið að njóta allt árið um kring. Einnig hafa vör­ur henn­ar notið mik­illa vin­sælda hjá ferðamönn­um sem koma hingað til lands enda sæk­ir Hekla inn­blást­ur sinn í það sem er tákn­rænt fyr­ir Ísland. Hún sæk­ir inn­blást­ur í villta flóru, dýra­líf og nátt­úru Íslands sem skil­ar sér vel í hönn­un henn­ar fyr­ir hverja árstíð og líka þegar kem­ur að jól­un­um.

Inn­blástur­inn fyr­ir nýju jóla­lín­una mína, „Rend­ur“, fékk ég frá gamla góða Bis­mark-brjóstsykr­in­um sem all­ir elska á jól­un­um. Þegar ég rifja upp gaml­ar minn­ing­ar um jól­in úr æsku minni þá kem­ur Bis­mark-brjóstsyk­ur­inn ávallt sterk­ur inn.“ seg­ir Hekla dreym­in á svip.

„Fal­lega rönd­ótt­ur hvít­ur og rauður eru hátíðar­lit­irn­ir og brjóstsyk­ur­inn er ein­stak­lega góður á bragðið. Fyrstu drög­in að bis­mark-lín­unni, rend­ur, voru blý­antsteikn­ing­ar af brjóstsykr­in­um, ein­um stök­um eða mörg­um sam­an en þróuðust svo í að verða að ein­föld­um lín­um sem gefa skír­skot­un í lín­urn­ar/​rend­urn­ar í brjóstsykr­in­um. Í fyrstu átti þetta bara að vera einn lit­ur, Bis­mark aðallit­ur­inn, hvít­ur með rauðum rönd­um en í miðju ferl­inu bætt­ist við rauður aðallit­ur með hvít­um rönd­um og síðan svart­ur með hvít­um rönd­um. Hann er til að mynda sér­stak­lega flott­ur á gaml­árs­kvöld sem og aðra daga allt árið um kring, en það er hugs­un­in með jóla­lín­una í ár að það sé hægt að nota hana allt árið við öll til­efni.“

Gam­an að blanda sam­an nýj­um og göml­um týp­um

Hekla hef­ur gert fjöl­marg­ar jóla­lín­ur og það skemmti­lega við þær að það er hægt að flétta þeim sam­an. „Það er gam­an að geta blandað öll­um lit­um og týp­um, göml­um sem nýj­um, sam­an yfir hátíðirn­ar. Þrátt fyr­ir að rauður sé ávallt aðallit­ur jól­anna þá er ég alltaf til í að breyta og hef því notað ýmsa liti í jóla­lín­urn­ar okk­ar í gegn­um árin,“ seg­ir Hekla með bros á vör.

Hekla seg­ir að það sé erfitt að velja ein­hverja eina jóla­línu sem upp­á­halds­línu. All­ar eigi þær stað í hjarta henn­ar og teng­ingu við góðar minn­ing­ar. „Upp­á­halds­lín­an er ekki ein held­ur marg­ar, kannski bara all­ar. „Tré“ er smá upp­á­halds,það er göm­ul og góð lína sem væri gam­an að koma með aft­ur.“

Aðspurð seg­ir Hekla að mest seldu lín­urn­ar gegn­um árin séu „Gleðileg jól“ sem erþjóðleg og jóla­leg og jafn­framt fyrsta lín­an. Síðan er það „Jóla­húfa“, þúfa sem er ávallt jafn vin­sæl enda jólak­ind­iní aðal­hlut­verki,“ seg­ir Hekla og bæt­ir við að hún sé afar þakk­lát fyr­ir þær frá­bæru viðtök­ur sem jóla­lín­urn­ar hafa fengið gegn­um árin.