Rauðrófusalat með hindberjum, heslihnetum og dilli

Fyrir 6-8

• 4 stk. soðnar rauðrófur
• 1 poki (100 g) heslihnetur án hýðis
• 1 pk. VAXA ferskt dill
• 1 pk. hindber
• Góð ólífuolía
• 4 msk. eplaedik
• 2 msk. hunang
• Flögusalt eftir smekk

Aðferð:

1. Skerið rauðrófurnar í meðalstóra teninga (ca. 1 cm. *1 cm.) og setjið í skál.
2. Bakið heslihneturnar í ofni við 150°C hita í 12-15 mínútur.
3. Saxið þær síðan gróflega með hníf og setjið þær út í skálina með rauðrófunum.
4. Geymið nokkrar til skreytinga.
5. Plokkið nokkra fallega toppa af dillinu til skreytingar, saxið síðan restina og setjið í skálina.
6. Hellið um það bil 4 msk. af eplaediki yfir ásamt 2 msk. af hunangi.
7. Hellið svo vænum skammti af ólífuolíu yfir ásamt 1-2 tsk. af salti.
8. Blandið þessu öllu vel saman.
9. Skerið hindberin til helminga og setjið í skálina og blandið aftur saman, en í þetta skiptið varlega svo þið maukið ekki hindberin.
10. Geymið ef til vill nokkra helminga af hindberjunum til skreytingar.
11. Hellið salatinu í fallega skál og skreytið með dilltoppunum og hindberjunum.
12. Berið fram og njótið.